Даваа - 03 сарын 16,
2026
УИХ-ын гишүүн, Хууль Зүй, Дотоод Хэргийн Сайд Б.Энхбаяр УИХ-ын 2026 оны хаврын ээлжит чуулганы нээлтийн дараа сэтгүүлчдийн асуултад хариулав.
Энэ үеэрээ тэрээр: "Монгол Улсын Ерөнхий сайд асан Л.Оюун-Эрдэнийн нэвтрүүлгийг үзсэний маргааш би Завхан аймгийн иргэдтэй уулзсан. Тухайн үед долоон суманд ажиллах томилолттой явж байгаад ирсэн юм. Ерөнхий сайд асан эхлээд 500 мянган ам.долларын тухай ярьчихаад, хэдхэн хормын дараа 1.5 сая ам.долларын хахууль авсан гэж мэдэгдсэн. Мөн хахууль авах үед нэг хүн хажууд нь байсан, тэр хүн өөрөө гуйсан учраас нэрийг нь хэлэхгүй гэсэн тайлбар өгсөн. Миний хувьд энэ бүхнийг ор үндэсгүй гүтгэлэг гэж үзэж байна. Ийм үйл явдал огт болоогүй, тийм хүн байхгүй, ийм хэмжээний мөнгө ч байхгүй. Тиймээс өөрөө худал гэдгийг мэдсээр байж яагаад ийм мэдэгдэл хийж байгааг нь дүгнэх хэрэгтэй гэж бодож байна. Миний бодлоор тэр хүн өөрөө олон асуудалд холбогдож, нөхцөл байдал нь хүндэрсэн учраас ийм мэдэгдэл хийж байгаа бололтой.
Өнгөрсөн оны намрын чуулганы үеэр, есдүгээр сарын 24-нд хаврын тойм хэлэлцэх үеэр би тодорхой асуудлуудыг ярьж байсан. Тэр үед нэг зүйлийг онцолж хэлсэн нь: энэ хүний үгэнд би итгэхээ больсон. Учир нь хамт сууж ярилцах үед худал мэдээлэл их ярьдаг, дотор нь ганц хоёрхон үнэн үг байж магадгүй ч ихэнх нь бодит байдалтай зөрчилддөг байсан. Тэр үед хэлж байсан миний байр суурь одоо бүр илүү тодорхой болсон.
Намайг ойролцоогоор 6 тэрбум төгрөгийн хэмжээтэй хахууль авсан гэж ярьж байна. Энэ асуудлыг сонсголын өмнө болсон уу, дараа болсон уу гэдгийг хүртэл ярих болсон. Гэтэл ийм их хэмжээний хахууль авч байсан гэх асуудлыг ярьж байгаа хүн өөрөө Ерөнхий сайд байсан хүн. Түүний мэдэлд тагнуул, цагдаа зэрэг хууль хяналтын байгууллагууд ажиллаж байсан. Хэрэв үнэхээр ийм зүйл болсон бол тухайн үед мэдсээр байж нуун дарагдуулсан гэсэн үг болох уу гэдэг асуулт гарч ирнэ.
Мөн Голомт Капитал байгууллагаас хахууль авсан гэж ярьж байна.
Гэтэл сонсголын үеэр би өөрөө энэ байгууллагатай холбоотой авлигын асуудлыг илчилж, тодорхой баримттайгаар ярьж байсан. Тухайлбал, төмөр замтай холбоотой Удаанжаргал, Ганхуяг нар зөвлөх, туслахууд болон тэдний хамаарал бүхий хүмүүсийн нэр дээр 10 гаруй удаагийн хахууль, авлига авсан байж болзошгүй асуудлыг хөндөж байсан. Ийм байхад авлигын асуудлыг өөрөө илчилж ярьж байсан хүнийг эргээд авлига авсан мэтээр буруутгах нь логикийн хувьд үндэслэлгүй санагдаж байна. Мөн оптейк гэрээг нуусан гэж ярьж байгаа. Гэтэл энэ гэрээг байгуулсан Засгийн газар нь өөрөө Оюун-Эрдэнийн Засгийн газар байсан. Тиймээс энэ асуудал ч мөн адил логикийн хувьд зөрчилтэй харагдаж байна." гэлээ.
Б.Төгсбаясгалан
Сэтгэгдэл3
олон хувьсах аргаар бодсон Оюутолгойн тосол хэзээ Монгол улсад ашиг огох гэж байна бэ?хүрэлсүх, учрал тэргүүтэй жду тоносон дарга нар нь хэзээ хариуцлага хулээж шоронд орох вэ?их наяадаар хулгай хийсэн mcs нуурэсчид хэзээ баривчлагдах вэ?тэгээд цааш нь ургэлжлуулэх уу яахав ??????
Голомтод ажиллаж байсан Оюунэрлэний зөвлөх Амундра лоббийдож Засгийн газар гэрээ байгуулсан уу
Баян хүн=хөрөнгөтөн хүн=капиталист хүн=бизнесмен хүн. Энэ гоёмсог нэрний цаана зөвхөн хулгай, дээрэм, тонууль, алллага, авилгал, жирийн иргэдийн хөдөлмөр, хөлс, цус, нулмисыг сорон мөлжсөн зэрлэг махчин амьтан, мангас, чөтгөр, шулам л байдаг гэж Германы агуу их гүн ухаантан коммунист Карл Маркс хүн төрөлхтөнд анх удаа үнэнийг хэлсэн. Баячууд, капииталистууд, олиграхиуд, улс төрчид, бизнесменчүүдийн нуугдмал бузрыг хүн төрөлхтөнд анх удаа илчлэн хэлснийх нь төлөө тэд Марксизмаас, социализмаас, коммунизмаас, Оросоос, Хятадаас үхтлээ айж, коммунистуудыг 24 цаг харааж, муулж, зүхэж байдаг. КАПИТАЛИСТ (зах зээлийн хэмээх) нийгэм бол нийгмийн баялагийг цөөн хэдхэн олигархиуд, улс төрчид ард түмнээс дээрэмдэн авдаг бузар нийгэм. СОЦИАЛИСТ нийгэм бол нийгмийн баялагийг нийт ард түмэнд шударга, тэгш хүртээх хүмүүнлэг нийгэм. Агуу их Хятад, Орос улс энэ замаар үсрэнгүй хөгжиж байна. КОММУНИСТ НАМ байгуулж, капиталист МАН, АН-ын эсрэг тэмцэх сонголт монголын ард түмний өмнө нээлттэй байна!!!