sonin.mn
Сэтгэгдэл (1)

Украины Ерөнхийлөгч Владимир Зеленский 8-р сарын 23-нд хэвлэл мэдээллийн төлөөлөгчидтэй уулзах үеэрээ, Украинд дайны үеийн сонгууль явуулах нөхцөл хараахан бүрдээгүй бөгөөд одоогийн нөхцөлд сонгууль явуулах нь үндэсний эв нэгдэлд ноцтой аюул учруулна гэж мэдэгджээ.


Саяхан албан тушаалаасаа чөлөөлөгдсөн Украины Батлан ​​​​хамгаалахын сайд асан Михаил Федоров видео бичлэг хийн, Украинд дайны үеийн сонгууль явуулахыг уриалж, Украин засаглалын хямралтай тулгарч байгаа гэсэн юм.


В.Зеленский энэ тухайд мөргөлдөөн үргэлжилж буй үеэр талууд Украинд дайны үеийн сонгууль явуулахыг шахсаар байгаа боловч ийм сонгуулийн урьдчилсан нөхцөл бол даруй түнш орнууд Украинд сонгуулийг аюулгүй, хууль ёсны дагуу явуулахыг баталгаажуулах тодорхой нөхцлийг бүрдүүлж өгөх явдал юм. Тухайлбал Украины фронтын цэргүүд болон дайны улмаас гадаадад дүрвэж буй сая сая Украины иргэд сонгуульд аюулгүй оролцож, халдлагын аюулаас ангид байхыг баталгаажуулах шаардлагатай гэжээ.

"Ийм нөхцөлд сонгуулийн талаар ярилцаж болох ч одоогоор ямар ч түнш улс тодорхой санал дэвшүүлээгүй байна" гэж тэр хэлэв. Мөн тэрээр хэлэхдээ, "Одоогийн мөргөлдөөний үеэр сонгууль явуулах нь асар их эрсдэл дагуулах болно" гэжээ. 



Г.Бямба