Даваа - 04 сарын 13,
2026
Монгол Улсын Засгийн газрын 2024 оны 08 дугаар сарын 28-ны өдрийн ээлжит хуралдаанаар Лханаажавын Мөнхтүшигийг Гадаад харилцааны яамны Төрийн нарийн бичгийн даргаар томиллоо. Засгийн газрын хэрэг эрхлэх газрын дэд дарга Б.Батцэцэг тус яаманд хүрэлцэн ирж Засгийн газрын тогтоолыг танилцуулснаар Л.Мөнхтүшиг үүрэгт ажилдаа оров. Тус яамны газар, нэгжийн удирдлагууд Засгийн газрын тогтоолыг танилцуулахад байлцаж, шинээр томилогдсон Төрийн нарийн бичгийн дарга Л.Мөнхтүшигт ажлын амжилт хүсэв. Тэрбээр 2007 онд БНХАУ-ын ГХЯ-ны харьяа Гадаад харилцааны их сургуулийг дипломат мэргэжлээр төгссөн бөгөөд 2016 онд Бээжингийн их сургуулийн Хуулийн сургуулийг эрх зүйч мэргэжлээр магистрын зэрэг хамгаалсан.
Л.Мөнхтүшиг нь 2008 оноос тус яамны Ёслолын хэлтэс, Гэрээ, эрх зүйн газарт атташе,
- 2011 оноос 2014 онд Монгол Улсаас Швед Улсад суугаа ЭСЯ-нд атташе, консул, гуравдугаар нарийн бичгийн дарга,
- 2014 оноос 2016 онд ГХЯ-ны Гэрээ, эрх зүйн газарт хоёрдугаар нарийн бичгийн дарга,
- 2016 оноос 2021 онд Консулын газрын дэд захирал, захирал,
- 2021 оноос 2024 оны 6 дугаар сар хүртэл Монгол Улсаас БНХАУ-д суугаа ЭСЯ-ны Дэд тэргүүн бөгөөд Элчин зөвлөхөөр ажиллаж байсан мэргэжлийн дипломат. Тэргүүн Шадар цолтой.
Сэтгэгдэл5
Нямдоржийн хүүхэд хаашаа алга болсон бэ?
С.Зоригийн амийг хөнөөсөн хэргээ хаалгах зорилгоор Элбэгдорж Нямдоржийн хүүг НҮБ-т ажилд оруулсан гэсэн. Одоо Оюун-Эрдэнэ хүртэл амаа скочдуулчихаад ярьж чадахаа больсон.
Пионeр болороогийн күүкэд шуурхай давшжийнэ
Мөөмтэй пионерийн хүү! Гэхдээ мэргэжилдээ сайн бол болж л байна ш дээ!
Манай элчингийнхэн хэл ус муутай, хувцаслалт биеэ авч яваа нь ч стандартын бус байдаг юм байна лээ, боловсролоор сул, соёл муутай санагдсан, тухайн орныхоо албан ёсны хэлээр их эвгүй акценттай ярьдаг ер нь болоогүй байна