Өчигдөрхөн ээждээ үнсүүлж, ааваараа хүргүүлэн хичээлдээ очсон бяцхан охин гэртээ эргэж ирсэнгүй. Хичээлээ тараад гэртээ харихаар зам гарч явсан охиныг “Приус 30” маркийн автомашины жолооч хурд хэтрүүлэн ирж мөргөжээ. СХД-ийн XXVII хорооны нутаг дэвсгэрт явган хүний гарцан дээр болсон энэ хэрэг хүүхдийн амь авч одсон 53 дахь осол юм. Хэн нэг жолоочийн хайхрамжгүй, хариуцлагагүй байдлаас болж зөвхөн энэ он гарсаар 53 бяцхан зүрх зогсч, 53 гэр бүл энэлж үлджээ. Дээрх осол ЕБС-ийн сурагчдын амралт дуусч хичээл эхлээд удаагүй байхад тохиолдсон. Тэгвэл амралтын хугацаанд ч гэсэн нэг дор долоон хүүхэд зам тээврийн осолд өртөж хүнд бэртсэн тохиолдол гарсан. Цаашид хүүхдүүд хичээлдээ явдгаараа явж, ирдгээрээ ирж, байрныхаа гадаах тоглоомын талбайд чөлөөт цагаа өнгөрүүлж цаг хугацаа урсдгаараа урсана. Гэвч дахиад зам тээврийн осол гарахгүй, хүүхдийн амь эрсдэхгүй гэсэн баталгаа бидэнд алга. Тиймээс эцэг эхчүүд болзошгүй аюулаас үр хүүхлдүүдээ хамгаалах, болгоомжлох нь хамгийн чухал байна.
Тээврийн цагдаагийн албанаас сэрэмжлүүлэг мэдээллийг байнга хийдэг. Өнгөрсөн онд л гэхэд улсын хэмжээнд хүүхэд өртсөн зам тээврийн осол 1120 бүртгэгдсэн байдаг. Түүнээс 45 нь амь насаа алдаж, 1189 нь хүнд, хөнгөн гэмтэл авсан бол 143 хүүхэд ноцтой гэмтэл авч, эрүүл мэндээрээ хохирчээ.
Тэгвэл энэ оны эхний арван сарын байдлаар хүүхэд өртсөн 571 зам тээврийн осол бүртгэгдээд байгаа юм. Түүнээс 591 нь гэмтэж бэртсэн бол, 53 хүүхэд амиа алдсан нь харамсалтай. Амиа алдсан хүүхдүүдийн 42 нь орон нутгийн замд осолдсон бол 11 нь нийслэлд зам тээврийн осолд өртжээ. Иймд сурагчдын хичээл эхэлсэнтэй холбогдуулан эцэг, эх, жолооч нарыг анхаарал болгоомжтой замын хөдөлгөөнд оролцож, өөрийн болон бусдын эрүүл мэнд, амь насанд аюултай байдал үүсгэхгүй байхыг ТЦА-аас анхааруулаад байна. Хэдийгээр хүүхэд өртсөн зам тээврийн ослын тоо буурч байгааг энэ салбарынхан хэлж байгаа ч осол гарсаар, хүүхэд амь эрсэдсээр байна. Энэ нь жолооч нарын хариуцлага сул, эцэг эхчүүдийн зүгээс үр хүүхэддээ тавих анхаарал дутмаг байгаагийн илрэл юм. Бид өөрсдөө аюул ослоос сэрэмжлэхгүй бол их хотын хөл хөдөлгөөн дунд итгэх, найдах аргагүй. Тиймээс дор бүрдээ анхаарал болгоомжтой байя, хүүхдээ зам тээврийн ослоос урьдчилан сэргийлье, хамгаалъя. Болгоомж дутах гэж байдгаас илүүднэ гэж байдаггүй билээ.
Ч.Зотол
Эх сурвалж: “Зууны мэдээ” сонин
Сэтгэгдэл0
Aimshigt mongol oron boljee
Буруу залууртай машин , хуучин машин - сэлбэг( дугуй зэрэг!) хил гаалиар оруулдгаа зогсоогооч ээ , замын ходолгооний хуулиа чанд мордооч ээ , дарга нарын машинд долигонодог оо болиоч ээ , зогсоох есгуй загар зогсоодог оо зогсоогооч ээ , дурэм зорьчсон л бол торгооч ээ ! ! Хуулиа л чанд морд !!!
Пруссыг болон зөв рультэй машиныг хоригло Уймраа юмнууд л зөв талдаа машин унадаг юм Буруу талда рультэй нь альч талаасаа маш эвтэйхэн
Ядуусын унаа приусыг оруулж ирэхийг зогсоож, замаар зорчуулахгүй хориглох хэрэгтэй. Тэд л такси болон явж хамаг түгжрээг үүсгэн, хурдтай давхин хүн дайрч байгаа юм.
Хууль нь гэмт хэрэг зөрчлийг бууруулахад нөлөөлж чадахгүй байна аа л гэсэн үг.
hun amidrah argagui tamiin oron.Mash hatuu arga hemjee avaach naad hun durstei araatnuuddaa
Huuligui oron
Арайч дээ. Яанаа !!!Онцгой байдал зарлаад 12-р сарын 1 нээс эхлэн гаднаас машина оруулахыг зогсоо.7 хрногт 1 удаа Приусгүй өдөртэй болоё. Явганчууд ер нь алхах гишгэх газаргүй болоод дэндүү хэлмэгдэж байна .
Оркуудаа хуулиа л чангал л даа өөр юм байхгүй наад хурдан хэтрүүлдэг бацаанууд чинь юу ч ойлгохгүй бусдын амь нас эрүүл мэнд гээд юм хэлээд нэмэргүй асар чанга хууль хэрэгтэй, жишээ нь хурд хэтрүүлэх, бага насны хүүхдийг зам тээврийн ослоор гэмтээх, согтолтой жолоо барих, орон нутгийн замд хурд хэтрүүлэх гэх мэт тохиолдолд тээврийн хэрэгслийг нь улсын өмч болгох, жолоо барих эрхийг нь 10-20 жилээр хасах гэх мэт чанга хууль гаргаж байж наад хүний амь нас эрсддэг хүүхэд гэмтээдэг оркуудыг чинь нам дарна, Хууль гараад л жилийн дотор бүх зүйл горимдоо орно шдээ
Хүүхэд дайрч алсан жолоочийг цаазлах хэрэгтэй. Амь насаараа хохирсон хүүхдүүдийн эцэг эх нэгдэн тэмцээд хувиараа өс хонзонгоо авцгаая! Хууль нь гэмт хэрэгтэнгүүдээ хамгаалан өөгшүүлж байгаа тул өөр арга алга. Хохирогчдоо !!! Нэгдэн тэмцэцгээе !!!
хүүхэд дайрсан хүүхэд хүчиндсэн жолоочид цаазалдаг хууль тай больёо цаазын хуулиа сэргээгээчээ ерөнхийлөгчөө