Хятадын Үндэсний цахилгаан сүлжээний Өвөр Монголын зүүн бүсийн цахилгаан эрчим хүчний компанийн мэдээлснээр, арваннэгдүгээр сарын 16-ны өдрийн 00:00 цагийн байдлаар Өвөр Монголоос хэт өндөр хүчдэлийн шугамаар бусад бүс нутагт дамжуулсан цахилгаан эрчим хүчний нийт хэмжээ 1 их наяд киловатт цагийг давжээ. Ингэснээр Өвөр Монгол нь хэт өндөр хүчдэлийн шугамаар дамжуулсан цахилгаан эрчим хүчний хуримтлагдсан хэмжээгээрээ 1 их наяд киловатт цагийн босгыг давсан Хятадын анхны мужийн түвшний засаг захиргааны нэгж боллоо.
Өвөр Монгол нь Хятадын эрчим хүчний үйлдвэрлэлийн томоохон бааз төдийгүй “Баруунаас зүүн тийш цахилгаан дамжуулах” төслийн гол бүс нутгийн нэг юм. Тус бүс нутгаас дамжуулсан 1 их наяд киловатт цаг цахилгаан нь ойролцоогоор 885 сая хүний нэг жилийн ахуйн хэрэглээг хангах хэмжээтэй тэнцэж байна. Энэ нь Хятадын хойд болон зүүн бүс нутгийн цахилгаан эрчим хүчний тогтвортой хангамжийг бүрдүүлэхэд чухал хувь нэмэр оруулжээ.
2016 онд анхны хэт өндөр хүчдэлийн цахилгаан дамжуулах шугамыг ашиглалтад оруулснаас хойш Өвөр Монголд нийт найман шугам байгуулжээ. Ингэснээр бусад бүс нутагт цахилгаан дамжуулах нийт хүчин чадал нь 48.7 сая киловаттаас давсан байна. Эдгээр шугамаар Бээжин, Тяньжинь, Шаньдун, Жянсү зэрэг бүс нутагт цахилгаан эрчим хүч нийлүүлж байна.
Нийт дамжуулсан цахилгаан эрчим хүчний 20 хувийг цэвэр эрчим хүч эзэлжээ. Мэдээлэлд дурдсанаар, цахилгаан дамжуулалтын үр дүнд ойролцоогоор 303 сая тонн стандарт нүүрсний хэрэглээг хэмнэж, нүүрстөрөгчийн давхар ислийн ялгарлыг 808 сая гаруй тонноор бууруулсантай дүйцэх үр дүнд хүрсэн байна.
Энэ нь Хятадын нүүрстөрөгчийн ялгарлыг оргил түвшинд хүргэсний дараа үе шаттай бууруулж, улмаар нүүрстөрөгчийн саармагжилтад хүрэх “хос нүүрстөрөгч”-ийн зорилтыг хэрэгжүүлэхэд чухал ач холбогдолтой юм.
Г.Бямба
Баасан - 11 сарын 20,
2026
Сэтгэгдэл4
дээдэх нь ямар байна доодох нь нэг иймэрхуу !!!!!!!!!!?????????!!?!?
Тэмбүү хужаагаас Өвөрмонголын газраа буцааж авах болно.
Чам шиг ОРК чадахгүй
CYBERNOX GREY HAT SECURITY Stay Alert. Stay Ahead. Stay Safe. Digital threats change by the day, and the best defense is the one that’s already in place. CyberNox Grey Hat Security, helps individuals and organizations stay protected through ethical hacking, vulnerability assessments, penetration testing, security awareness training, and early threat detection. What they help you do: Find weak points before attackers can exploit them Reinforce your digital defenses Safeguard your systems, networks, and sensitive data Build a more secure and resilient future online Tracing cryptocurrency and digital assets Learn more: https://cybernoxsecurity.com/ Cyber NOx Grey Hat Security: Uncover the Gaps. Reinforce the Defenses. Secure Your Digital World.