sonin.mn
Сэтгэгдэл (0)
“Чингис хааны Дэлхийн академ”-ийн ерөнхийлөгч П.Давааням Чингис хааны Аугаа их өвийг Монгол Улсад аугаа их хөрөнгө оруулалт болгон зөв нутагшуулж, хүн төрөлхтний соёл иргэншлийн ололтыг хүндэтгэн хуульчлах “Мөнхийн санал”-ыг төрийн гурван удирдлагад хүргүүлэх талаараа мэдээлэл хийлээ.
 
Энэ үеэрээ П.Давааням:
 
"Эх орондоо шинэчлэлийг зоригтой санаачлан, эхлүүлж, зүтгэж байгаа Монгол Улсын Ерөнхийлөгч, Ерөнхий сайд, УИХ-ын дарга болон ард түмэнд хандаж дэлхийд албан ёсоор хүлээн зөвшөөрөгдсөн Чингис хааны аугаа их өвийг өвлөгчийн хувьд, Монгол улсад төвлөж, аугаа их хөрөнгө оруулалт болгон зөв нутагшуулах, хүн төрөлхтөний соёл иргэншлийн энэ ололтыг хүндэтгэж Үндсэн хуулиндаа хүндэтгэн хүлээн авч, хэрхэн хуульчилж зөв хэрэглээнд шилжүүлэх, хэрхэн эзэн улс болж мөнхжүүлэх тухай хоёр зүйл саналаа Монгол Улсын иргэний хувьд, дэлхийд нээлт хийж хүлээн зөвшөөрөгдсөн хүнийхээ хувьд шавь нарынхаа хамтаар энэхүү хэвлэлийн бага хурлыг хийж байгааг хүлээн авна уу. Энэхүү хоёр зүйлийн нэгт,
 
Үндсэн хуулийн нэгдүгээр бүлгийн нэгдүгээр зүйлд Улсын үндэс болсон философио ард түмэндээ зориулж нэн тодорхой, хялбаршуулж тусгах ёстой. Үндсэн хуулийн нэгийн нэгт  Улсын үндсээ тусга гэж байгаа юм. Монгол Улсын үндэс бол Чингис хааны сургааль юм. Улсаа аварья гэвэл үндсээ авар. Хүн биеэ бүтэн авч явдаг шиг улсаа бүрэн авч явах ёстой гэдэг ийм сургааль байдаг. Та бүхэн надаар хэлүүлэлтгүй мэдэж байгаа, “Алд бие минь алжааваас алжаатугай, ахуй төр минь бүү алжаатугай..." гээд сургаальд байдаг.
 
Тэгэхээр энэ Улсын үндэс гэдэг зүйлийг Үндсэн хуулийн нэмэлт өөрчлөлтөөр оруулж өгөх хэрэгтэй. Энэ Монгол Улсын үндэс бол Монголчууд төдийгүй хүн төрөлхтөнд асар том эв нэгдэл, гайхамшигтай том хөгжил, дэвшлийг авчирах болно. Энэ хөгжил дэвшлийг бол дэлхий нийт The Sacred гэж томьёолоод байгаа. Өөрөөр хэлбэл Чингис хааны Дээдийн зөвшөөрөл гэж томьёолж, хүлээн зөвшөөрсөн байгаа. Улсын үндэстэй болно гэдэг бол Монгол улс шинээр дэлхий дахинд төрлөө гэсэн үг. Хүн төрөлхтөний соёл иргэншилд Чингис хааны аугаа их гавьяагаар буюу цоо шинэ дэвшил, хөгжилд хүрнэ гэсэн үг.
 
Энэ нь ямар хэрэгтэй юм бэ гэвэл иргэн бүрийн зорилго болно. Одоо Монголчууд нэг зорилготой байна уу. Энэ зорилго нийгмийн зорилт болдог. Одоо бид Үндсэн хуулиндаа хүмүүнлэг иргэний Ардчилсан нийгэм байгуулна гэж заасан. Гэвч яг үүн дээрээ санаа нэг байна уу. Тэгвэл энэ Улсын Үндсийг хийх юм бол бүгд санаа нэг болдог ийм байх нь ээ.
 
Төрийн бодлого нэн тодорхой болдог. Мөн үндэстнээ шинээр эмхлэх, нэгтгэх өөрөөр хэлбэл үндэстнийхээ хувьд юуг зөв, буруу, болно, болохгүй, гавьяа, урвалт, үндэсний бахархал, өв, сэхээтэн гэх юм гэх мэтийг тодруулна. Улсын үндэс нь тухайн улсын олон улсын нэр хүнд, үндэстнээ аврах бодлого, мөнхийн стратеги, сонголт, эрх ашиг болдог. Ийм учраас Улсын Үндэс гэдэг энэ Чингис хааны аугаа их гүрний төрийн маш үнэт зүйлийг та бүхэнд хандаж, Улсын Үндэстэй болох асуудал дэвшүүлж тавьж байгаа нь миний хувьд нэр төрийн хэрэг, Чингис хааны алтан ургийнхний нэр төрийн хэрэг, 800 гаруй жил үүнийг үгүйсгүүлж, гүтгүүлж явсан ч гэсэн хүн төрөлхтөний аугаа их соёл иргэншлийн том суурийг өнөөдөр Монголын ард түмэнд, Монгол улсыг Удирдаж, бие сэтгэл бүх зүйлээ зориулж буй эрхэм удирдагч нартаа хандаж хэлж байгаа даа нэн баяртай байна, нэр төрийн хэрэг гэж бодож байна. 
За мөн зарим хүмүүс хэлдэг “Вашингтон пост”-оос бусад нь мянганы шилдэг хүнээр өөр хүмүүсийг сонгосон. Ганцхан Вашингтон пост л Чингис хааныг сонгосон гэж. Түүндээ биш.
 
"Вашингтон пост" л Чингис хааныг The Sacred стандартын оюун ухаантай хүн байна гэж хүлээн зөвшөөрсөн юм.
 
Бусад нь Empire стандартын сэтгэлгээтэй байсан байна. Эртний Ромын гэсэн үг. Ромоос дээшээ гараагүй. Шат ахиагүй. За үүнийг л Чингис хааны алтан ургийнхан, Тулуйн удмынхан, одоо миний бие өөрийн биечилэн дэлхийн хүн төрөлхтөнд The Sacred гэж хүлээн зөвшөөрүүлж Order эрхийг нь авсан шүү дээ. Тиймээс дэлхий нийтэд The Sacred гэдгээр нь гарсан, Ромоос хүлээн зөвшөөрсөн италиар бичсэн том ном байж байна. 2010 онд хэвлэгдэж дэлхийн 142 орны удирдагч нарт тараагдсан ном байгаа. 
 
Бас нөгөө алдартай Ромын патент байна. Ингэж баталгаажуулсан. Чингис хаанаа The Sacred оюун ухаантай хүн байсан, The Sacred хүн төрөлхтөний үнэт зүйлийг бүтээсэн, Чингис хаан дэлхий дахинд аугаа их соёл иргэншлийг түгээгч гүрэн байгуулсан гэж энэ алдарт Ромын патентаар баталгаажуулсан. Ром болон Спаний шүүхүүдээр мөн адил баталгаажуулсан.
 
Дараагийн асуудал бол Үндсэн хуульд 17 дахь бүлгийг нэмэх хэрэгтэй. Учир нь Чингис хааныг аугаа их соёл иргэншил түгээгч, The Sacred оюун ухаантай хүн, хүн төрөлхтөний гайхамшигт элч гэдгийг нотлож, баталгаажуулсан тул үүнийг бид хүндэтгэн хүлээн авч хүн төрөлхтөний соёл иргэншлийг хүндэтгэх гэдэг үүднээсээ 17 дугаар бүлгийг нэмж, хүн төрөлхтөний энэ аугаа соёл иргэншилтэй яаж харилцах тухай юм аа бичиж, тэмдэглэх хэрэгтэй байгаа юм. Үүнийг би мэргэжилтний хувьд, энэ ажлыг эхлэж байгаа, дэлхийгээс S.A.I.R Prince гэдэг өвлөгчийн хамгийн дээд эрхийг авсан хүний хувьд хэлж байгаа юм“ гэв.
 
  
Ч.Явуухүү