Баасан - 05 сарын 23,
2025
Тавдугаар сарын 22-ны үдээс БНХАУ-ын дарга Ши Жиньпин Бүгд Найрамдах Франц Улсын Ерөнхийлөгч Эммануэль Макрон нар утсаар ярив.
Ши Жиньпин энэ үеэр онцлохдоо, "Энэ онд дэлхийн фашизмын эсрэг дайны ялалт, НҮБ байгуулагдсаны 80 жилийн ой тохиож байна. НҮБ-ын Аюулгүйн Зөвлөлийн байнгын гишүүн орон, бие даасан томоохон орнуудын хувьд Хятад, Франц нь дайны дараах олон улсын дэг журмыг үүсгэн байгуулагч, бүтээн байгуулагч учраас эв нэгдэл, хамтын ажиллагаагаа бэхжүүлж, НҮБ-ын эрх мэдэл, статусыг хамтаар хамгаалж, олон улсын худалдааны дүрэм, дэлхийн эдийн засгийн дэг журмыг сахин хамгаалах ёстой юм.Европыг олон туйлт ертөнцийн бие даасан туйл хэмээн үзсээр ирсэн бөгөөд ЕХ-ны стратегийн бие даасан байдлаа бэхжүүлж, олон улсын үйл хэрэгт илүү чухал үүрэг гүйцэтгэхийг Хятад улс дэмждэг бөгөөд дэлхийн сорилтыг даван туулахын тулд ЕХ-той хамтран ажиллахад бэлэн байна." гэсэн бол
Макрон хэлэхдээ, "Франц-Хятад, Европ-Хятадын харилцаа чухал бөгөөд дэлхийн хэмжээнд чухал ач холбогдолтой. Олон улсын байдал хэрхэн өөрчлөгдсөн ч Хятадтай байх харилцааг дээд хэмжээнд чухалчилж, нэг Хятадын зарчмыг тууштай баримтлах Францын байр суурь хэзээ ч өөрчлөгдөхгүй. Хятад улстай эдийн засаг, худалдаа, хөрөнгө оруулалт, олон салбарын ажил хэрэгч хамтын ажиллагаагаа эрчимжүүлж, хоёр орны харилцааны сайн сайхан хөгжлийн эрч хүчийг хадгалж, Франц Хятадын харилцааг цаашид хөгжүүлэхэд Франц бэлэн байна." гэжээ.
Хоёр орны төрийн тэргүүн мөн Украины хямрал, Израиль-Палестины мөргөлдөөн, Ираны цөмийн асуудал зэрэг олон улсын болон бүс нутгийн асуудлаар санал бодлоо дэлгэрэнгүй солилцсон байна.
Г.Бямба
Сэтгэгдэл6
Хятадын эдийн засаг удаашраад хэцүүдэж байгаа байх даа.
Фашист алиалагч "Cocain train team"-ийн гишүүн мансуурал Макрон гуай чааваас Трампыг дууриах гэж оролдож байна, ккк
Оросыг задалж болохгүйг америк хамгийн сайн мэднэ. Оросын цөмийн зэвсэг оросын хараа хяналтанд байх ёстойг америк мэднэ. Оросын цөмийн зэвсэг олон улсад тарвал Америкийн хувьд том толгойны өвчин болж, эцэстээ америкийг устгаж мэднэ. Хятад ч үүнийг мэдэж байгаа. Цөмийн их гүрэн задарвал аюул тэр мөн.иймд Зөвлөлт задарсан юм бишээ.
Хамгийн том гай гамшиг Орос улс болчихлоо. Империйн санаархал нь дийлдэхгүй нь
Сөнөж мөхөж байгаа нь энэ юмшүүдээ,,,
Хамгийн том аюул бол хятад. Оросыг хятадад алдах нь барууны орнуудад харамсалтай байх болно. Яагаад гэвэл хятадын эдийн засаг батлан хамгаалах салбар улам хүчирхэг болж барууны хориг хятадын эдийн засаг үйлдвэрлэлд нөлөөлөхөө больж, барууны орнууд тэр чигээрээ хятадаас маш хамааралтай болж сүйрэх болно.