sonin.mn
Сэтгэгдэл (8)

"Монцамэ" агентлагийн захирлаар ажиллаж байгаад саяхан хамт олныхоо шаардлагаар шившигтэйгээр огцорсон Э.Содонтогос нь ажиллаж байх хугацаандаа тус агентлагийн ханан дахь захирлаар ажиллаж байсан хүмүүсийн зурагнаас А.Баатархуяг, Б.Ганчимэг, Г.Амартүвшин, С.Алтанцэцэг нарын зургийг буулгасан, учир нь эд нарын зургийг харж алхмааргүй байна хэмээн аашилсан тухай сошиал орчинд цацагдсан. Энэ үнэн болохыг тэрээр time.mn сайтад өгсөн ярилцлагадаа хүлээн зөвшөөрчээ.


Тодруулбал Э.Содонтогос: " Би 4 даргын зургийг аваад, оронд нь монгол бичгээ залсан. Тэд монгол бичигтэй заргалдъя гэвэл буцаагаад өлгөх байх. МОНЦАМЭ-д гадаадын маш олон зочин ирдэг болсон. Манай ханаар Цэдэв гүнээс эхлээд бүх даргын зураг ярайж байдаг. Тэр зургуудын талаар гадаадын 2 зочин надаас сонин юм асуусан. 1 нь “Зарим хүн маш богино ажилласан байх юм. 3 сард хүн юм хийж амжих уу. Эсвэл танай хуучин тогтолцооны хэлбэр үү” гэж шуудхан асуусан. Өөр 1 хүн “Энэ залуу хүмүүс чинь амьд сэрүүн биз дээ. Манайд ийм соёл байдаггүй учраас асууж байгаа юм” гэсэн. Би тэгэхэд нь дотроо их эмзэглэсэн юм

А.Баатархуяг мундаг дарга. Б.Ганчимэг мундаг сэтгүүлч. Г.Амартүвшин мундаг дипломатч. С.Алтанцэцэг бас мундаг л хүн байх. Ядахад тэр зурагнуудын дунд 1 багана таардаг юм.Т. Баасансүрэн даргын зургаас хойшхыг аваад, монгол бичиг өлгөсөн. Манайх монгол бичгийн янзын сайхан үзэсгэлэн гаргадаг. Тэр сайхан бичвэрүүд зооринд байхгүй болдог. Тэднийг гадаадын зочдод бэлэглэдэг болсон." гэжээ. 


Үнэхээр аймшигтай атаа жөтөө, эго биш гэж үү? Өөрийнх нь хэлж буй шиг гадны зочдын ярианаас эмзэглэсэн юм уу? Монгол бичгээрээ бахархах зорилготой байсан юм бол яагаад бүх даргынхаа биш зөвхөн сүүлийн дөрвөн даргынхаа зургийг л буулгах болов.

Өөрөөр хэлбэл чухам л өндөр боловсролтой гэх Э.Содонтогосын энэ тайлбар, ярианд ямар ч логик алга. Ийм л зан авиртай хүн "Монцамэ" агентлагийг удирдаж байсан байх нь.


С.Сарнай