sonin.mn
Сэтгэгдэл (3)

6-р сарын 28-нд Оросын Ерөнхийлөгч Владимир Путин Украины тал мөргөлдөөний талаар хоёр шинэ санал дэвшүүлсэн гэж мэдэгдэв. Нэг нь бие биенийхээ нутаг дэвсгэрийн гүн дэх бай руу цохилт өгөхөө харилцан зогсоох, нөгөө нь цэргийн дайсагналыг Херсон, Запорожье, Донецк, Луганск гэсэн дөрвөн бүс нутагт хязгаарлах зорилготой.


Кремлийн вэбсайтад мэдээлснээр, Путин эхний санал нь Оросын Украины гүн дэх бай руу хариу цохилт өгөх нь илүү хүчтэй бөгөөд хор хөнөөлтэй байсантай холбоотой гэж тэмдэглэжээ.


Хоёр дахь санал нь Украины цэргүүдийг Николаев, Днепропетровск, Харьков, Сумы мужуудаас гаргаж, дээр дурдсан дөрвөн бүс нутаг руу буцаан байршуулах зорилготой гэв.

Путин Украины Зэвсэгт хүчин офицер дайчдын хомсдолд орж байгаа бөгөөд Киев хоёр дахь саналыг "аврах" арга хэмжээ гэж үзэж байгаа ч "Киевийн дэглэмийг аврах" нь Оросын төлөвлөгөөний нэг хэсэг биш гэж тэмдэглэсэн байна.


Путин Оросын цэргүүд тулалдааны талбарт холбоо барих шугамын дагуу урагшилж байгаа бөгөөд Оросын нутаг дэвсгэр доторх бай руу дайснууд довтолж буй нь фронтын нөхцөл байдалд ямар ч нөлөө үзүүлээгүй гэж мэдэгдэв. Тэрээр агаарын довтолгооноос хамгаалах системийн үйлдвэрлэлийг хурдан бөгөөд мэдэгдэхүйц нэмэгдүүлэх, дайсны одоо ашиглаж байгаа зэвсэг, түүнчлэн Европоос хүлээн авч буй шинэ төрлийн нисгэгчгүй онгоцыг харгалзан бодит ажиллагааны хэрэгцээнд үндэслэн сайжруулах нь нэн тэргүүний зорилт гэдгийг онцолжээ.


Г.Бямба