Пүрэв - 11 сарын 06,
2025
Улсын Их Хурлын гишүүн, Төсвийн байнгын хорооны дарга Х.Ганхуяг мэдээлэл хийлээ. Энэ үеэр тэрээр: "Ирэх оны төсвийн зардлаас 979 тэрбум төгрөг хасч, цалин, тэтгэврийн нэмэгдэлд шилжүүлсэн. Багш нарын цалинг 2026 оны нэгдүгээр сарын 01-нээс 740 мянгаар, арваннэгдүгээр сарын 01-нээс 2.8 сая төгрөгт хүргэх, эмч эрүүл мэндийн салбарын ажилчдын цалинг 15 хувиар, тэтгэврийг 8.6 хувиар нэмэхэд дээрх зардал гарсан.
Урсгал зардлыг бууруулахдаа төрийн албан хаагчдын цалин хөлс, хүүхдийн мөнгө, нийгмийн халамжийн сан, боловсрол эрүүл мэндийн салбарын санхүүжүүлэлт, гадаад зээл, тусламжийг оролдохгүй гэсэн байдлаар 411 тэрбум төгрөгөөр бууруулсан.
Хөрөнгийн зардлыг бууруулах ажил хийгдэхээс өөр аргагүй нөхцөл байдал үүссэн. Энэ удаад багш эмч нарын цалинг шийдсэн. 2027 онд гүйцэтгэл дээр ахиухан хэмжээний мөнгө тавьж шийднэ.
Монгол Ардын нам дээр үл ойлголцол байгаа нь үнэн. Энэ асуудал ажлын хэсэг болон байнгын хорооны санал хураалт дээр гарсан. Байнгын хорооны санал хураалтын үед Монгол Ардын намын гишүүд ирцээс гараад явчихсан учраас Ардчилсан намын гишүүдийн дэвшүүлсэн санал дэмжигдсэн.
Үүнийг Ардчилсан намтай үгсэн хуйвалдаж,төсөв наймаалцчихлаа гэж байна.
Санал хураах үеэр манай намын гишүүдийн кноп хүрэхгүй, Ардчилсан намын гишүүдийн санал дэмжигдээд явчхаар би одоо яах билээ. Ардчилсан намын гишүүдийг худалдаж авсан, төсөв болохгүй байна гэдэг асуудал зориудаар явчихлаа." гэсэн юм.
М.Чой
Сэтгэгдэл2
МАНАН-гийн утсан хүүхэлдэй байжээ.
С.Оюун-Эрдэнэ бол Ю.Цэдэнбалын дараах монголын хамгийн сайн удирдагч. Тэр Эрдэнэтийн 49 хувийг Элбэгдорж, Эрдэнэбилэг мэтийн мангасуудаас булаан авч монголын 3,5 сая ард түмэнд өгсөн. Тэр Дарханы төмөрлөгийн үйлдвэрийг Элбэгдорж, Эрдэнэбилэг мэтийн мангасуудаас булаан авч монголын 3,5 сая ард түмэнд өгсөн. Тэр Сайханбилэг гэдэг мангасын байгуулсан Дубайн гэрээг хүчингүй болгож монголын 3,5 сая ард түмнийг дааж давшгүй өрнөөс мулталсан. Тэр дэлхийг түгшээсэн Ковид өвчнөөс монголын 3,5 сая ард түмнийг аварсан. Тэр Тавантолгойн нүүрсний агуу орд мангас MSC-ийн өмч биш, монголын 3,5 сая ард түмний өмч гэж цор ганцаараа айхгүй хэлсэн. Тэр хоёр агуу их хөрштэйгээ харилцааагаа сайжируулж монгол эх орноо мандуулахыг зорьсон. Тэр олигархиуд сүүлийн 35 жил монголын 3,5 сая ард түмний бүх өмч хөрөнгийг дээрэмдэж авчээ гэж зоригтой хэлсэн. Тэр олигархиудын зүрхэнд шар ус хуруулсан. Монголын бүх олигархиуд түүнээс айж дагжин чичирч байна.