Баасан - 02 сарын 06,
2026
ТОКИО, 2026 оны хоёрдугаар сарын 6 /Reuters/. АНУ-ын Ерөнхийлөгч Дональд Трамп ням гарагт болох Японы бүх нийтийн сонгуулийн өмнө тус улсын Ерөнхий сайд Такаичи Санаэг "бүрэн дэмжиж" байгаагаа илэрхийлээд, гуравдугаар сарын 19-нд Цагаан ордонд түүнтэй уулзана гэдгээ мэдэгджээ.
Японы анхны эмэгтэй Ерөнхий сайд болох Т.Санаэгийн тэргүүлж буй эрх баригч эвсэл сонгуульд ялах магадлал өндөр байгааг олон нийтийн дунд явуулсан санал асуулгууд харуулаад байгаа юм.
Тэрбээр эдийн засгийг дэмжих төсвийн бодлогоо хэрэгжүүлэхдээ ард түмнээс дэмжлэг авахын тулд бүх нийтийн ээлжит бус сонгууль зарласан нь хөрөнгө оруулагчдыг түгшээснээс гадна, батлан хамгаалах чадавхыг нэмэгдүүлэхээр төлөвлөж байгаа нь Хятадтай харилцааг улам хурцатгаж магадгүй байна. Санал асуулгуудын дүнгээс үзэхэд, Т.Санаэгийн удирддаг Либерал ардчилсан нам болон түүний түнш Японы Инновацын нам /Ишин/ 465 суудалтай парламентын доод танхимын 300 орчим суудлыг авах төлөвтэй байна.
Д.Жаргал
Эх сурвалж: "Монцамэ" агентлаг
Сэтгэгдэл5
Энэ зөнөг Японы дотоод хэрэгт оролцоод эхэллээ.
Трамп ах танай хужаагийн эсрэг эдийн засгийн хориг худалдааны хориг өндөр татвар өндөр тариф оногдуулсанд чам шиг хурлийзууд түүнийг их үзэн ядах нь аргагүй.
Японы хувьд "хараад суух" сонголт огт байхгүй. 2026 оны геополитикийн нөхцөл байдалд Япон улс түүхэндээ байгаагүй хамгийн том цэргийн болон стратегийн шилжилтийг хийж байна. Хятад улс далайд түрэмгий акул болж, "ар тал"-даа санаа зовохгүй болсон нь Японы хувьд "Оршин тогтнохуйн аюул" гэсэн үг. Япон улс Дэлхийн II дайнаас хойшхи "Зөвхөн өөрийгөө хамгаалах" бодлогоосоо албан ёсоор татгалзаж, "Сөрөг довтолгоо хийх чадавхи"-тай болохоо зарласан. Япон улс 2026 он гэхэд батлан хамгаалахын төсвөө ДНБ-ийхээ 2%-д хүргэж, Дэлхийн 3 дахь том цэргийн төсөвтэй улс болсон. Тэд АНУ-ын "Tomahawk" пуужингуудыг олноор нь худалдан авч, Хятадын эргийн хотууд руу цохилт өгөх чадвартай болж байна. Хятад улс Тайвань руу довтолбол Япон улс шууд оролцоно гэдгээ Ерөнхий сайд маш тодорхой илэрхийлсэн. Учир нь Тайвань унавал Японы эрчим хүчний 90% дамждаг далайн зам Хятадын хяналтад орно оо гэсэн үг. Нөгөөтэйгүүр арлын Япон улс зөвхөн АНУ-д найдалгүйгээр бүс нутгийн холбоо"-нуудыг байгуулж байна.
Япон улс Филиппинтэй цэргийн хамтын ажиллагааны гэрээ байгуулж, Филиппинд цэргээ байршуулах эрхтэй болсон. Хэрэв Хятад Филиппиний эсрэг далайд түрэмгийлэл үйлдэх аваас Япон улс ар тал болон тагнуулын мэдээллээр шууд дэмжлэг үзүүлэхээр бэлтгэж байна. Трамп "Гренландыг авах" Европтой эв түнжин хагаралдах эсвэл "Холбоотон Израилийн хамтаар Ираны эсрэг сөргөлдөх зэргээр анхаарал нь сарниж, Азиас цэргээ татаж магадгүй гэж Япончууд маш их эмээж байгаа. Тиймээс Япон улс өөрийн гэсэн бие даасан арми нисэх онгоц тээгч хөлөг болон дэвшилтэт сөнөөгч онгоц бүтээх хөтөлбөрөө эрчимжүүлж байна. Тэд Трампыг "Америк нэгдүгээрт" гээд Азиас гараад явсан ч Хятадын эсрэг ганцаараа сөрөн зогсох чадвартай болохыг хичээж байна!
Япон Хятадын түрэмгий даварсан үйлдэлд "хараад суухгүй", харин ч Хятадын эсрэг "Хамгийн аюултай саад" болж хувирч байна. Хэрэв Хятад улс Тайвань эсвэл Филиппин рүү довтолбол, Япон улс АНУ-аас ч түрүүлж өрсөж цэргийн хөдөлгөөн хийж магадгүй. Учир нь энэ нь тэдний хувьд "Үхэх үү, сэхэх үү" гэдэг асуудал юм! 2026 оны Япон бол "Номхон далайн энх тайвны бэлгэ тэмдэг" биш, харин "Дайнд бэлэн, хүчирхэг тоглогч" болсон. Нөгөөтэйгүүр Япон улс ийнхүү хүчтэй зэвсэглэж байгаа нь Хойд Солонгосын хувьд "гал дээр тос нэмэх"-тэй адил үйлдэл болж байна. Ким Жон Ун Японы цэрэгжилтийг "Империализмын сэргэлт" гэж нэрлээд, хариуд нь тактикийн цөмийн зэвсгээ Японы хотууд болон АНУ-ын баазууд руу чиглүүлж байгаагаа мэдэгдлээ. Энэ нь бүс нутагт "Гурвалсан цөмийн хямрал" (Орос-Хятад-Хойд Солонгос vs АНУ-Япон-Өмнөд Солонгосын хамарч үүсгэж магадгүй.