sonin.mn
Сэтгэгдэл (1)

ЛОНДОН, 2026 оны хоёрдугаар сарын 9 /Reuters/. Их Британиас АНУ-д суух Элчин сайдын албыг хашиж байсан Питер Мандельсоныг тойрсон дуулианы улмаас Ерөнхий сайд Кир Стармерын засгийн газрын хэрэг эрхлэх газрын дарга Морган Максвини ням гарагт огцорчээ. 


К.Мандельсоныг элчин сайдын албан тушаалаас есдүгээр сард чөлөөлсөн боловч АНУ-ын Хууль зүйн яам Жеффри Эпштейний хэргийн шинэ баримтуудыг нийтэлсэнтэй холбоотойгоор дахин олны анхааралд орсон байна.


П.Мандельсон Их Британийн засгийн газарт ажиллаж байхдаа Эпштейнд нууц мэдээлэл дамжуулж байсан бололтой. М.Максвини бол К.Стармерын ойрын хамтран зүтгэгч гэж үздэг. Түүнийг огцруулах шийдвэр гаргасан шалтгаанаа К.Стармер тайлбарлахдаа, Мандельсоныг АНУ-д суух Элчин сайдаар томилохыг өөрт нь санал болгож байсан тул одоо үүндээ хариуцлага хүлээхийг хүссэнтэй холбоотой гэжээ.


“Мандельсоныг томилох шийдвэр буруу байсан. Тэрбээр манай (Лейборист) нам, улс орон, мөн улс төрд итгэх итгэлд хохирол учруулсан” гэж тэрбээр мэдэгдэлдээ онцолсон байна.


К.Стармер Лейборист намын даргын албан тушаалд өрсөлдөж байх үеэр түүний кампанит ажлыг М.Максвини удирдаж байсан юм. К.Стармер Максвинигийн огцрохтой холбоотой мэдэгдэлдээ түүнтэй хамтран ажиллах нь “нэрийн төрийн хэрэг байлаа” гэж онцолжээ. 




Д.Жаргал

Эх сурвалж: "Монцамэ" агентлаг