sonin.mn
Сэтгэгдэл (0)

Үйл явдал: 2024 оны 10 дугаар сарын сүүлчээр Нийслэлийн Худалдан авах ажиллагааны газрын (НХААГ) дарга Д.Батцэцэг болон тус газрын зарим албан хаагч БНХАУ-ын Хайнань арал руу аялж, амрахаар явсан байдаг.


Хэрэг явдал: Аяллын үеэр тус газрын Төлөвлөлт, худалдан авах ажиллагааны хэлтсийн даргаар ажиллаж байсан О… гэгч Хайнанийн “Phoenix” зочид буудлын 21 дүгээр давхраас унаж, амь насаа алдсан хэрэг гарсан. БНХАУ-ын цагдаагийн байгууллага урьдчилсан байдлаар гаднын нөлөөгүй, амиа хорлосон байж болзошгүй гэж үзсэн тухай тухайн үед мэдээлж байв.


Авлига, шалгалтын талаарх яриа: Талийгаач өмнө нь Чингэлтэй дүүргийн Худалдан авах ажиллагааны газрын даргаар ажиллаж байсан бөгөөд тендер, худалдан авах ажиллагаатай холбоотой авлига, албан тушаалын хэрэгт холбогдон шалгагдаж байсан гэх мэдээлэл хэвлэл мэдээллийн хэрэгсэл болон олон нийтийн сүлжээгээр түгсэн.



Уг хэргийн дараа Хятадын талын хэрэг бүртгэлт, байцаалтын ажиллагаа дуусаж, Д.Батцэцэг болон бусад албан хаагч Монгол руу буцсан бөгөөд талийгаачийн цогцсыг эх оронд нь авчирч байжээ.



Энэ явдал Нийслэлийн Худалдан авах ажиллагааны газрын дотоод хяналт, төрийн албан хаагчдын ёс зүй, хариуцлагын асуудлыг олон нийтийн анхаарлын төвд оруулсан юм.