sonin.mn
Сэтгэгдэл (36)

Найруулагч Б.Баатар, сэтгүүлч Б.Ганчимэгийн ярилцлагын яриаг дур мэдэн нэвтрүүлгийн эвлүүлэгтээ ашиглаж, зөвшөөрөлгүйгээр цацсан учир шүүхэд хандах талаар түүний найз, иргэн Д.Туяа мэдээлэл хийлээ.


Тэрээр : "Хэвлэл мэдээллийн хэрэгслээр "Улаанбаатараас ярьж байна" нэртэй нэвтрүүлэг цацагдсан. Энэ нэвтрүүлэг цацагдсан нь сэтгүүлч Б.Ганчимэгийн Үндсэн хуулиар олгогдсон эрхэнд халдаж, сэтгэл санаа, нэр хүндээр нь хохироолоо.



Б.Ганчимэг нь өөрийн үүсгэн байгуулсан сэтгүүлтэй. Өөрийн зочин болох Ерөнхий сайд Л.Оюун-Эрдэнээс сэтгүүлийн ярилцлагаа авсан.



Гэтэл 4-р сард гарах дугаарын зочны ярилцлагаа хийх үеэр нь найруулагч "Hero" Б.Баатар түүний зочинтойгоо хөөрөлдөж байсан хар дүрс буюу яриаг нь эвлүүлэг хийж, нэвтрүүлэг болгон цацсан нь сэтгүүлч Б.Ганчимэгийг хохироосон гэж үзэж байна. Эмэгтэй хүнийх нь хувьд ч доромжилж, дээрэнгүй байдал гаргасан гэж би үзэж байна. Энэ үйлдэл нь "Hero" Б.Баатар гэж хүний 3 дахь удаагийнх болж байна.



Өмнө нь тэргүүн хатагтай байсан О.Цолмон гэж эмэгтэйн амралтын цагаараа хөөрөлдөж байсан яриаг бичиж аваад олон нийтийн сүлжээнд тавьж гутаасан, доромжилсон. Дараагийн асуудал нь одоогийн УИХ-ын гишүүн П.Анужинг мөн л амралтынхаа үеэр хүнтэй хөөрөлдөж байгаа бичлэгийг нь тараасан.



Гурав дахь нь сэтгүүлч Б.Ганчимэгийн нэр хүнд, сэтгэл санаа, эрүүл мэндийг хохироолоо. Нөгөө талаараа Б.Ганчимэгийн Үндсэн хуулиар олгогдсон халдашгүй байдалд халдаж байна. Та бүхэн өөрийнх нь сэтгүүлийн 4-р сарын дугаараас түүний жинхэнэ ярилцлага, утга агуулга, иргэд, нийгэмд ямар мэдээлэл өгөх гэж байсныг унших боломжтой. "Hero" Б.Баатарын мэдээллийн хэрэгслээр цацсан ярилцлага бол эмэгтэй хүнийг хэт дээрэлхэж, доромжилсон байдлаар хүний эрхийг зөрчиж, өөрөө ашиг орлого олох зорилгоор сэтгүүлч Б6Ганчимэгийн нэр төр, алдар хүндийг ашигласан гэж болож байна. Түүний нэр хүндийг сая доллараар ч үнэлэх боломжгүй. Ажил хэргийн ямар ч гэрээ байхгүй мөртлөө дээрэнгүй байдлаар ашигласан нь Үндсэн хууль зөрчсөн гэж үзэж байна. " гэв.



М. Чой