sonin.mn
Сэтгэгдэл (0)

Монголчуудын уугуул аж ахуй, нүүдэлчдийн өв, соёл, зан заншил, уламжлалыг судлах, түгээн дэлгэрүүлэх, хамгаалах, цаашид Монгол Улсыг нүүдлийн соёл иргэншлийн төв, тэргүүлэх улс болгон хөгжүүлэх зорилготой “Нүүдэлчин” дэлхийн соёлын фестиваль хоёр дахь өдрөө Налайх дүүрэг, Тайж хайрхан уулын бэлд үргэлжилж байна. 


Фестивалийн “Нүүдэлчин” бага тайзнаа өнөөдөр Улсын хүүхэлдэйн театрын уран бүтээлчид “Жигүүрхэндээ хүчтэй” хүүхэлдэйн концерт, Монгол, Өмнөд Солонгосын уран бүтээлчдийн хамтарсан “Ааруулыг хазах мөчид” хүүхэлдэйн жүжиг, хэл хуурын тоглолт зэргийг толилуулж байна. Мөн хүүхэд багачуудад Буриад ястны ёохор тойрон бүжиг, Торгууд ястны бий биелгээг заах гэхчилэн хөгжөөн баясгах хөтөлбөрүүдийг хүргэнэ.  


Эдгээр хөтөлбөрүүдийг наадам үргэлжлэх гурван өдрийн турш үзэх боломжтой.