sonin.mn
Сэтгэгдэл (4)

ОХУ-ын Ерөнхийлөгч Владимир Путин ба Украины Ерөнхийлөгч Владимир Зеленский нар энэхүү дайныг бие даан дуусгахад бэлэн биш гэдгийг Цагаан ордон хүлээн зөвшөөрсөн байна.


Цагаан ордны хэвлэлийн төлөөлөгч Кэролайн Ливитт нэмэлт тайлбар хийхдээ АНУ-ын тэргүүн Дональд Трамп энэ асуудлаар “дараа нь нэмэлт мэдэгдэл хийхээр төлөвлөж байгаа” гэжээ.


Тэрбээр мөн АНУ-ын Ерөнхийлөгч Дональд Трамп “Киев рүү хийсэн цохилтуудад баярлаж ч үгүй, гайхсан ч үгүй” гэжээ. Түүний хэлснээр, тэрбээр болсон үйл явдлыг анхааралтай ажиглаж байна.


“Энэ бол маш удаан хугацаанд дайнтай байсан хоёр улс. Орос Киев рүү довтолсон, харин сүүлд Украин оросын газрын тос боловсруулах үйлдвэрүүдэд цохилт өгсөн” гэж Цагаан ордны хэвлэлийн төлөөлөгч тэмдэглэжээ.


Тэр мөн хэлэхдээ, Трамп дайныг дуусгахыг хүсч байгаа ч “хоёр улсын удирдагчид ч мөн дайныг дуусгахыг хүсэх хэрэгтэй” гэсэн байна.


Н.Отгончимэг


Эх сурвалж: minval.az