sonin.mn
Сэтгэгдэл (0)

Соёл, спорт, аялал жуулчлал, залуучуудын сайд Ч.Ундрам Монгол Улсаас Бүгд Найрамдах Польш Улсад суугаа Онц бөгөөд Бүрэн эрхт Элчин сайд Н.Оюундарь болон Польш Улсын тэргүүлэгч байгууллагуудын төлөөллийг 2025 оны 9 дүгээр сарын 04-ний өдөр хүлээн авч уулзлаа.





Уулзалтын үеэр Монгол Улсаас Бүгд Найрамдах Польш Улсад суугаа Онц бөгөөд Бүрэн эрхт Элчин сайд Н.Оюундарь Польш Улсын тэргүүлэгч байгууллагуудын төлөөллийг танилцуулав. Үүнд:


Польшийн Хэвлэл мэдээллийн холбооны ерөнхийлөгч, TTG Polska аялал жуулчлалын байгууллага, Варшавын Худалдааны танхимын ерөнхийлөгч Марек Трачик;


“ITAKA” аялал жуулчлалын байгууллагын Бизнес хөгжлийн хэлтсийн дэд захирал Катарзина Банковска;


“ITAKA” аялал жуулчлалын байгууллагын Аялал жуулчлалын хэлтсийн бүтээгдэхүүний захирал Ярослав Брониш;


“RAINBOW” аялал жуулчлалын байгууллагын Бүлгүүд ба урамшууллын хэлтсийн Төслийн ахлах менежер Магдалена Дибчинска;


“NEKERA” аялал жуулчлалын байгууллагын Удирдах зөвлөлийн ерөнхийлөгч Мачай Некиел;


National Geographic, National Geographic Traveller – ийн Ерөнхий редакторын орлогч, “Kaleidoscope” LOT Polish Airlines In-flight сэтгүүлийн ерөнхий редактор Агнешка Франус;


Монгол Улсын жүжигчин БНПУ-ын кино жүжигчин Мишээл Жаргалсайхан;


PR, хэвлэл мэдээллийн хэрэгсэл, алдартнуудын менежер Оливьер Даниел Халаса;


“INTIMATES TEAM”-ийн гүйцэтгэх захирал Катажина Пышиньска;


Инфлюенсер, жүжигчин Үршула Дебска нар.



Монголд зочлох жилийн хүрээнд Бүгд Найрамдах Польш Улсын жуулчдын урсгалыг нэмэгдүүлэх, аялал жуулчлалын байгууллагуудын хамтын ажиллагааг өргөжүүлэх зорилгоор Бүгд Найрамдах Польш Улсын Элчин сайдын яамтай хамтран Польш Улсын аялал жуулчлалын байгууллага, нөлөөлөгчид бүхий төлөөлөгчдөд Монгол Улсыг сурталчлах “Фам тур” арга хэмжээг 2025 оны 9 дүгээр сарын 4-11-ний өдрүүдэд зохион байгуулахаар ажиллаж байна.