sonin.mn
Сэтгэгдэл (1)

Синьхуа агентлагийн мэдээ: Орон нутгийн цагаар 11-р сарын 28-нд Хятадын Коммунист намын Төв хорооны Улс төрийн товчооны гишүүн, Гадаад харилцааны сайд Ван И Нью-Йорк дахь НҮБ-ын төв байранд НҮБ-ын Ерөнхий нарийн бичгийн дарга Антонио Гутерриштэй уулзав. Ван И хэлэхдээ, Палестин-Израилийн мөргөлдөөнийг зохицуулахад НҮБ болон ерөнхий нарийн бичгийн дарга өөрөө онцгой, орлуулашгүй үүрэг гүйцэтгэхийг Хятад улс дэмжиж байна. Хятад улс энэ сард Аюулгүйн зөвлөлийн ээлжит дарга болсны хувьд Арабын орнууд болон холбогдох талуудтай нягт харилцаж, Палестин-Израилийн мөргөлдөөнийг Аюулгүйн зөвлөлийн гол чухал асуудал болгож байна.


Ван И хэлэхдээ, Аюулгүйн зөвлөлийн 2712 тоот тогтоол бол гал зогсоохыг ахиулах эхний алхам бөгөөд Палестин-Израилийн мөргөлдөөнийг улс төрийн аргаар зохицуулах сайн эхлэл юм. Өдгөө гол зүйл бол түр гал зогсоох хэлэлцээрийг сунгах боломжтой эсэх, Газын зурваст байлдааны ажиллагаа дахин үүсэх эсэх асуудал юм. Хятадын байр суурь маш тодорхой: Нэгд, дайныг дахин эхлүүлж болохгүй, бүх талаар гал зогсоож, хүмүүнлэгийн гамшгаас зайлсхийхийн тулд барьцаалсан хүмүүсийг суллах хэрэгтэй. Хоёрт, хүмүүнлэгийн тусламж Газын зурваст саадгүй нэвтэрч, олон боомтыг нээж, үр дүнтэй хяналтын механизм бий болгох хэрэгтэй. Гуравт "хоёр улсын шийдэл"-ийг аль болох хурдан эхлүүлэх нь олон улсын хамтын нийгэмлэгийн хамгийн том нийтлэг зүйл бөгөөд Палестин-Израилийн асуудлыг шийдвэрлэх үндсэн арга зам юм.