Хятадын Олон улсын импортын 8 дахь экспо (CIIE)-ийн хаалтын өдөр АНУ-д төвтэй Tapestry Group болон Их Британид төвтэй AstraZeneca зэрэг компаниуд ирэх жилийн 9 дэх удаагийн CIIE-д оролцохоор аль хэдийн бүртгүүлсэн бөгөөд эл экспог Хятадын зах зээлийг өргөтгөн тэлэх, хөгжлийн шинэ боломж хүртэх өндөр чанартай тавцан гэж нэрлэжээ.

Энэ жилийн CIIE гайхалтай амжилт үзүүлж, төлөвлөсөн гүйлгээний хэмжээ 83.49 тэрбум ам.долларт хүрч, өмнөх оны мөн үеэс 4.4 хувиар өссөн байна. Энэ жил экспод оролцогч шинээр 600 гаруй нэмэгдэж, Дэлхийн 500 хүчирхэг аж ахуйн нэгжийн жагсаалтад багтсан 290 компани оролцов. Үзэсгэлэнгийн талбай болон үзэсгэлэнд оролцогчийн нийт тоо шинэ өндөр түвшинд хүрчээ. 461 шинэ амжилтыг анх удаа танилцуулж, хамгийн буурай хөгжилтэй орнуудад зориулсан тусгай бүсийг анх удаа байгуулж, Хятадын эрэлт хэрэгцээ болон дэлхийн нийлүүлэлтийн хооронд нарийн уялдаа холбоог бий болгосон байна.

Дэлхийн цорын ганц импортын экспо болох CIIE нь Хятадын өндөр түвшний нээлттэй байдлын чухал тавцан юм. XX сонгуулийн ХКН-ын Төв Хорооны дөрөвдүгээр бүгд хурлаар өндөр түвшний нээлттэй байдлыг өргөжүүлэх арга хэмжээ авч, бие даасан нээлттэй байдлыг дээд түвшний загварт гол үүрэгт ажил болгон оруулсан. Олон улсын гэрээгээр хязгаарлагдаагүй энэхүү идэвхтэй нээлттэй байдал нь харилцан эрх тэгш байх уламжлалт зарчмаас давж, "Бусдад туслахын зэрэгцээ өөрийгөө сайжруулах" үүрэг хариуцлагыг бүрэн харуулжээ. Нэг талт үзэл өндийж байгаатай холбогдуулан Хятадын бие даасан нээлттэй байдал нь дэлхийн нээлттэй байдалд тогтвортой хүчин зүйлийг авчирч байгаа бол өөрийн бат бөх эдийн засгийн суурь болон том зах зээлийн давуу нөхцөлүүд нь нээлттэй байдлын бат бөх суурийг бүрдүүлж байна.

Нээлттэй байдал нь дэлхийн олон газрын өндөр чанартай бараа бүтээгдэхүүнийг Хятадын зах зээлд нэвтрүүлэх боломжийг олгосон бөгөөд "Том зах зээлийг хамтдаа эдлэх, Хятад руу экспортлох" кампанит ажил өрнөж байна. Тухайлбал экспогоор дамжин Испанийн гахайн утсан мах, Малайзын дурианы борлуулалт илт нэмэгдсэн байна. Үүний зэрэгцээ, нээлттэй байдал нь технологийн инновацийг хурдасгаж, Шведийн Hexagon зэрэг компаниуд анх удаагаа олон шинэ технологийг танилцуулж, AstraZeneca, Herbalife зэрэг үндсэн дамнасан компаниуд Хятадад судалгаа, хөгжүүлэлт, инновацийн үйл ажиллагаагаа нэмэгдүүлж байна. Энэ нь Хятадын зах зээл дэлхийн инновацийн гол төв болж байгааг харуулж байгаа юм.

 Одоогийн байдлаар Хятадын Олон улсын импортын 9 дэх экспо (CIIE) нь 80,000 гаруй хавтгай дөрвөлжин метр шинэ үзэсгэлэнгийн талбайг баталгаажуулсан. Түүнчлэн визгүй зорчих шинэ бодлого хэрэгжүүлэх, Хайнаний чөлөөт худалдааны бүсийг сайжруулах зэрэг бодит арга хэмжээ нь нээлттэй байдал болон хөгжлийн зөв эргэлтийн илэрхийлэл болж байна.