sonin.mn
Сэтгэгдэл (0)

11-р сарын 12-ны үдээс өмнө БНХАУ-ын дарга Ши Жиньпин Бээжин дэх Ардын Их Хурлын Танхимд Хятадад төрийн айлчлал хийж буй Испанийн VI Фелипе хаантай уулзав.



Испанийн хаан VI Фелипе Хятадад айлчилж байгааг Ши Жиньпин сайшааж хэлэхдээ, Испанийн хааны гэр бүл Хятад, Испанийн харилцааны хөгжилд онцгой хувь нэмэр оруулсан юм. Хоёр улс иж бүрэн стратегийн түншлэлийн харилцаа тогтоосны 20 жилийн ойг тэмдэглэж байгаа энэ үед VI Фелипе хаан Хятадад төрийн айлчлал хийж байгаа нь хоёр орны найрсаг хамтын ажиллагааг ахиулан тасралтгүй урагш хөгжүүлэхэд чухал ач холбогдолтой юм. Хятад улс Испанитай хамт байж, стратегийн илүү их шийдэмгий байдал, илүү хүчтэй хөгжлийн эрч хүч, олон улсын илүү их нөлөө бүхий иж бүрэн стратегийн түншлэлийн харилцааг хамтдаа бий болгоход бэлэн байна гэжээ.



Фелипе хэлэхдээ, “Ши Жиньпин даргад маш их талархаж байна. Энэхүү төрийн айлчлал нь миний хувьд онцгой ач холбогдолтой юм, учир нь энэ бол би албан тушаалд томилогдсоноос хойш Хятад улсад хийсэн анхны төрийн айлчлал юм, гэхдээ манай хоёр орны найрамдал урт удаан түүхтэй юм. Миний Хятад улсад хийсэн анхны айлчлал 2000 онд болсон бөгөөд түүнээс хойш Хятад улс хөгжлийн гайхалтай амжилтад хүрч, олон улсын хамтын нийгэмлэгийн өргөн хүрээлэлийг олсоор байна. Испани, Хятадын найрсаг харилцаа хоёр улсын ард түмэнд лавтай ашиг тус авчирна гэдэгт бид бат итгэж байна” гэсэн байна.


Г.Бямба