sonin.mn
Сэтгэгдэл (0)

ХКН-ын Төв хорооны Улс төрийн товчооны гишүүн, БНХАУ-ын Төв хорооны Гадаад харилцааны ажлын албаны дарга Ван И 25-нд Бээжинд, тэнгис далайн асуудлаарх Хятад Малайзын хоёр дахь уулзалтад оролцохоор Хятадад хүрэлцэн ирсэн Малайзын Үндэсний аюулгүй байдлын зөвлөлийн дарга  Ража Дато Нусирвантай уулзав. 




Ван И хэлэхдээ, Хоёр орны удирдагчдын тохиролцсон чухал нийтлэг ойлголтоор удирдлага болгож, хөгжлийн стратегийн уялдаа холбоог бэхжүүлэн, улс төр, аюулгүй байдлын хамтын ажиллагааг гүнзгийрүүлж, практик хамтын ажиллагааг илүү үр дүнд хүрэхийн тулд Малайзын талтай хамтран ажиллахад Хятад улс бэлэн байна гэжээ. Тэрээр тэнгис далайн асуудлаарх хэлэлцүүлгийн тавцанг сайтар ашиглаж, санал зөрөлдөөнийг зөв зохицуулах шаардлагатай байна. Хятад улс Малайзын нэг Хятадын зарчмыг урт хугацаанд баримталж, "Тайванийн тусгаар тогтнол"-ын аливаа үг яриа, үйл ажиллагааг дэмжихгүй байх тодорхой байр суурийг өндрөөр үнэлж байгаагаа онцоллоо. 




Ража Дато Нусирван, энэ удаагийн Малайз, Хятад хоорондохын тэнгис далайн асуудлаарх яриа хэлэлцээ эерэг үр дүнд хүрсэн бөгөөд хамтарсан судалгаа зэрэг нийтлэг ойлголтын хэрэгжилт, тэнгис далайн энх тайван, тогтвортой байдлыг хамтдаа ахиулахыг дэмжихэд бэлэн гэж онцолжээ.