12-р сарын 26-нд Японы Засгийн газар 2026 оны санхүүгийн жилийн батлан ​​хамгаалах төсвийн төлөвлөгөөг баталсан нь 9 их наяд иенээс давсан байна. Японы парламент ирэх оны эхээр уг төлөвлөгөөг баталбал Японы батлан ​​хамгаалах төсөв шинэ дээд хэмжээнд хүрэх болно. Сүүлийн үед Японы баруун жигүүрийн хүчнүүд цэрэг армийн хяналтаа хурдацтай "сулруулж" , олон улсын нийгэмлэгийг түгшээж байна. Үүнтэй холбоотойгоор ХТРТ-ийн CGTN нь дэлхий даяар санал асуулга явуулсанд 17043 хүн оролцож, санал бодлоо хуваалцлаа. Санал асуулгын дүнгээс харахад, судалгаанд хамрагдсан хүмүүсийн 81.5% нь Такайчи Санаэ энх тайвныг эвдэгч зэрэг дүр төрхөө харууллаа гэж үзсэн бөгөөд судалгаанд оролцсон 18-44 насны хүмүүсийн 83 гаруй хувь нь Японы баруун жигүүрийн хүчнүүд милитаризмыг сэргээх хорон санаа өвөрлөж байгаад дэлхий нийтээрээ өндөр хэмжээнд сэрэмжтэй байх ёстой гэж үзжээ. 

Судалгаанд оролцогчдын 88% нь Дэлхийн 2-р дайны үеийн А зэрэглэлийн дайны гэмт хэрэгтнүүдийг шүтэн биширдэг Ясукуни сүмд Японы баруун жигүүрийн улс төрчид удаа дараа мөргөл үйлдсэн нь Японы түрэмгийллийн түүхийг үгүйсгэж, хохирогч орнуудын ард түмний эсрэг өдөөн хатгалга хийж байгаа явдал гэж үзсэн. Мөн 87.7% нь түүхэн асуудлыг шийдвэрлэхдээ Япон ноцтой муу аргыг ашигласан хэмээн буруушааж, Дэлхийн 2-р дайны ялалтын ололт амжилт болон дайны дараах олон улсын дэг журамд илт саад учруулсан гэж үзсэн байна. Судалгаанд оролцогчдын 89.4% нь Японы засгийн газрыг түүхэн асуудлаар үг, үйлдэлдээ болгоомжтой байхыг уриалж, Азийн орнуудаас судалгаанд оролцогчдын 86.7% нь Япон улс түүхээ зөв ойлгон таних нөхцөлд л олон улсын нийгэмлэгт хэвийн улс болж эргэн нэгдэх боломжтой гэж онцоллоо.

Судалгаанд оролцогчдын 78.6% нь Японы үйлдлүүд нь энх тайвныг эрхэмлэгч үндсэн хуулийг ноцтой зөрчсөн гэж үзсэн бол 73.2% нь Япон милитаризмын алдааг давтах эрсдэлтэй хэмээн түгшиж буйгаа илэрхийлжээ. 

CGTN нь Хятадын Ардын Их Сургуультай хамтран Шинэ Эриний Олон Улсын Харилцаа Холбооны Судалгааны Хүрээлэнгээр дамжуулан энэхүү судалгааг 11-р сарын 8-наас 12-р сарын 18-ны хооронд дэлхийн 29 орны оролцогчдод хүргэсэн юм. Судалгаанд хөгжингүй томоохон орнууд болон "Дэлхийн Өмнөд" орнуудыг хамруулсан бөгөөд хариулагчид нь 18-65 насны энгийн иргэд байсан тул түүвэр нь улс орон бүрийн хүн амын тооллогын нас, хүйсийн тархалттай тохирч байв.