Мягмар - 01 сарын 06,
2026
БНХАУ-ын Гадаад Харилцааны Яам мэдээлэл хийв. Энэ үеэр "АНУ Венесуэлд цэргийн цохилт өгсөн. Трамп “Truth Social” сүлжээндээ нийтлэл оруулж, АНУ Венесуэл болон тус улсын удирдагч Мадурогийн эсрэг томоохон хэмжээний цэргийн ажиллагаа амжилттай явуулсан, Мадуро болон түүний гэргийг баривчилж, Венесуэлийн хилээр гаргасан гэж мэдэгдсэн. Үүнд Хятадын тал ямар байр суурьтай байна?" гэсэн асуултад
Хятадын Гадаад харилцааны яамны хэвлэлийн төлөөлөгч хариулахдаа:
"АНУ бүрэн эрхт улсын эсрэг зэвсэг хэрэглэж, улсын Ерөнхийлөгчид халдсан үйлдэл хийсэнд Хятадын тал гүн цочирдож, эрс хатуугаар буруушааж байна.
АНУ-ын иймэрхүү ноёрхох шинжтэй үйлдэл нь олон улсын хуулийг ноцтойгоор зөрчиж, Венесуэлийн бүрэн эрхт байдалд халдсан төдийгүй Латин Америк, Карибын бүс нутгийн энх тайван, аюулгүй байдалд заналхийлж байна. Хятадын тал үүнийг тууштай эсэргүүцнэ. АНУ олон улсын хууль болон НҮБ-ын дүрмийн зорилго, зарчмыг чанд сахиж, бусад улсын бүрэн эрхт байдал, аюулгүй байдалд халдах үйлдлээ нэн даруй зогсоохыг бид шаардаж байна." гэжээ.
Г.Бямба
Сэтгэгдэл7
Манай Хүүк мэдэгдэл гаргах болов уу, яах бол. Орос Украин руу дайрахад ингэж хэлж чадаагүй юм чинь ангайгаад л харзнадаг байх даа, хэдүүлээ
Өнөөдөр буюу 2026 оны 1 сарын 3-нд АНУ-ын зэвсэгт хүчин Венесуэльд ЦТА явуулж, хэдхэн цагийн дотор Ерөнхийлөгч Николас Мадурог эхнэртэй нь баривчлав. Одоо Мадуро АНУ-д хоригдож байна. АНУ-ын агаарын хүчин үүрээр Венесуэлийн эрэг хавийн цэргийн хэд хэдэн бааз болон нийслэл Каракас хотод цохилт өгснөөр ЦТА эхэлсэн бөгөөд Венесуэлийн агаараас хамгаалах хүчин юу ч хийж чадаагүй байна. Гэхдээ Венесуэлийн Батлан хамгаалахын сайд амьд бөгөөд бууж өгөхгүй, түрэмгийлэгчидтэй тэмцэж ялалт байгуулна гэх мэдэгдэлийг сая хийжээ. Венесуэльчүүд юу юугүй буугаад өгчихгүй, ширэнгэн ойдоо бүгэж партизаны дайнд шилжих байх гэсэн горьдлого байгаа ч барууныхан Оросын эсрэг Украйныг дэмжсэнтэй адил Венесуэлийг мөнгө, зэвсгээр тултал дэмжиж чадах улс ойр хавьд байхгүй. Далайн чанадаас Хятад, Орос туслах нь мэдээж маш хэцүү.
АНУ Венесуэльд ЦТА явуулсан нь Хятадад том цохилт болов. Хятадууд Венесуэльд 60 гаруй тэрбум ам долларын хөрөнгө оруулалт, зээл өгчээ. Одоо хятадуудын тэр их хөрөнгө оруулалт элсэнд асгасан ус шиг болох гэж байна. Хятадууд Монголд дураараа дургиж байгаа шиг Латин Америкийн улсуудад нөлөөгөө тогтоохоор улайрч байгаа бөгөөд Венесуэль Хятадын хувьд чухал улс байсан. Америкийн цэргүүдэд баривчлагдахын өмнөхөн Мадуро Хятадын Ерөнхийлөгч Ши Жинпиний илгээсэн төлөөлөгчидтэй уулзжээ. Доналд Трамп өнгөрсөн жил Панам улсаас Хятадын нөлөөг шахсан. Одоо Венесуэлиэс шахан гаргаж байна. Трамп Латин Америкт Хятадыг давраахгүй гэдэг үгэндээ хүрч байна.
59.153.87.4 бичигч тэнэг ээ чи ерөнхийлөгч байсан бол яах байсан юм
Орос Украин руу орсон Америк Венесуэль руу орсон одоо Гренланд руу орох гэж байна дараа нь Хятад Тайвань эсвэл монгол руу орох уу
Хятад Венесуэл рүү зургаан байлдааны хөлөг онгоц илгээсэн байна лээ. АНУ-гаас айхгүй шүү гэдгээ харуулах гээд байх шиг
Гях,,,гяхх,,,гяхх,,,