sonin.mn
Сэтгэгдэл (0)

2026 оны Төвийн 1-р баримт бичгийг хоёрдугаар сарын 3-нд гаргалаа. Энэ нь мөн ирэх таван жил буюу 15-р таван жилийн төлөвлөгөөний хугацаан дахь анхны Төвийн 1-р баримт бичиг юм. 




"Хөдөө аж ахуй, хөдөө тосгоны орчин үеийн шинэчлэлийг голлон бэхжүүлж, хөдөө орон нутгийг бүх талаар сэргээн хөгжүүлэх тухай ХКН-ын Төв Хороо, Төрийн Зөвлөлийн санал"-д тэмдэглэхдээ, хөдөө аж ахуй, хөдөө орон нутгийн орчин үеийн шинэчлэлийг бэхжүүлэх зорилт тавин, хөдөө орон нутгийг бүх талаар сэргээн хөгжүүлэхээр ерөнхий удирдамж болгон, "Мянган жишиг тосгон арван мянган шилдэг төсөл"-ийн туршлагаас сурч хэрэгжүүлэн, шинэчлэл инновацийг үндсэн хөдөлгөгч хүч болгон ашиглах ёстой гэжээ. 


Уг баримт бичигт тэмдэглэхдээ, хөдөө аж ахуйг бэхжүүлэх, тариачдад ашиг тус өгөх, тариачдыг баяжуулах бодлогын үр нөлөөг дээшлүүлэн, үндэсний хүнсний аюулгүй байдлын үндсэн шугамыг бат хамгаалж, ядуурлаас ангижруулсан амжилтаа үргэлжлүүлэн бэхжүүлэх хэрэгтэй гэжээ.  


Хөдөөгийн үйлдвэрлэлийн хөгжил, хөдөөгийн барилга байгууламж, хөдөөгийн засаглалын түвшинг дээшлүүлэх ёстой. Хөдөө аж ахуйг орчин үеийн том хэмжээний үйлдвэрлэл болгон хөгжүүлж, хөдөө орон нутагт орчин үеийн амьдрах үндсэн нөхцөлийг бүрдүүлж, тариачдын амьдралыг илүү чинээлэг, илүү сайн болгохын төлөө хичээн ажиллах ёстой гэж уг баримт бичигт онцолжээ.