Лхагва - 03 сарын 04,
2026
Баянзүрх дүүргийн ИТХ-ын төлөөлөгчид болон АН-ын гишүүд АН-ын дарга, УИХ дахь АН-ын бүлгийн дарга О.Цогтгэрэлд шаардлага хүргүүлэв.
БЗД-ийн ИТХ-ын төлөөлөгч Б.Одбаяр энэ үеэр: "АН-ын ИТХ-ын төлөөлөгчид, АН-ын залуучууд АН-ын дарга О.Цогтгэрэл болон дотоод сонгуулийн хороонд шаардлага хүргүүлж байна. АН улс орон даяар шинэчилсэн бүртгэл хийж эхэлсэн. Гуравдугаар сард дуусна.
Гэтэл АН үүд хаалгаа нээсэн дээр нь гэж байгаа юм шиг МАН-ын хүч зузаатгал болж байна. Ингэж хэрхэвч болохгүй. Бусад нам, эвслүүдээс ч АН-д элссээр байна.
Энэхүү нөхцөл байдал нь дан ганц Баянзүрх дүүрэгт бус бусад аймаг, дүүрэгт ч явагдаж байж магадгүй тул анхаарах шаардлагатай байна. Иймд уг нөхцөл байдлыг харгалзан Баянзүрх дүүргийн намын гишүүдийг бүрдүүлэх, анхан шатны үүрийн хурлууд эхлэхээс өмнө, намын гишүүдийн оролцох нөхцлийг хангах, дотоод сонгуульд санал өгөх гишүүдийг тусгайлан журамлаж өгөхийг О.Цогтгэрэл дарга болон зохион байгуулах зөвлөлд хүргүүлж байна.
Мөн бидний зүгээс АН-ын дарга болон дотоод сонгуулийг зохион байгуулах чиг үүрэг бүхий зохион байгуулах хороонд хүргүүлсэн Баянзүрх дүүргийн дотоод сонгуулийг зохион байгуулах дэд зөвлөлийн дарга Т.Батцогт, нарийн бичгийн дарга М.Тулгат нарыг солих шаардлагад нэн даруй хариу өгөхийг шаардаж байна” гэлээ.
М.Чой
Сэтгэгдэл5
Монголын ард түмэн Трампын хэлснээр дэлхийд хаана ч байхгүй ардчиллаар намаа нэрлэсэн усан тэнэг нохдоос салахын мөн болж байна. Бид улсын хөгжлийн чөдөо тушаа болсон олон намын тогтолцоог халах шаардлагатай. Тэгээд та нар улигт МАНАН гэдэг нэрээрээ улсаа удирдах хэрэгтэй.Монголын заяа ивээж гамингийн шээснүүдийн АН үтэр түргэн үнсэн чандруу болж дөтийн замаар тонилох болтугай.
Барууны орнуудад хүлээн зөвшөөрөгдсөн цор ганц дарангуй дэглэм бол Ли Куан Ю-ын дэглэм гэж хэлж болно. Маш товчхондоо бол Ли Куан Ю ард түмэндээ хоёр л сонголт өгсөн. "Эрх чөлөөтэй мөртлөө ядуу амьдрах уу?" эсвэл "хатуу дэг журамтай хэдий ч баян, аюулгүй амьдрах уу?" Хүмүүс ч сонголтоо хийсэн. Үр дүнд нь Ли Куан Ю-ын PAP нам 1959 оноос хойш Сингапурт тасралтгүй ялж байна. Ер нь их сонин л доо. Ли Куан Ю Их Британид хуульч мэргэжил эзэмшиж, нийгмийнхээ хамгийн элит бүлэгт багтаж байсан ч тэрээр үргэлж үйлдвэрчний эвлэлүүд болон оюутны холбоодын хамааралтай шүүх хурлуудыг үнэгүй өмгөөлдөг байв. Мөн тухайн үед Сингапурын нийгмийн бараг бүх элитүүд зориуд Англи хэлээр хоорондоо ярьж, өөрсдийгөө олонхоос өөр хэмээн өргөмжилж, ард түмнээсээ мөсөн ханаар тусгаарлагдаж байхад Ли Куан Ю харин ч үйлдвэрчний эвлэлүүдээр явж, хүмүүсийн амьдрал ахуйг сонсож, ард түмэнтэйгээ нэг түвшинд харьцдаг байж. Ингэснээр ард түмэн түүнийг нэг л мэдхэд өөрсдийнх нь нэг "манай хүн" хэмээн үзэх болсон гэдэг.
Ингээд л 1959 онд болсон анхны сонгуулиар PAP нам 51 суудлаас 41-ыг нь авч, Ли Куан Ю анхны ерөнхий сайд болов. Аан харин эрх мэдлийг авсан даруйдаа сөрөг хүчний улс төрчдийг коммунистууд хэмээн баривчилж эхэлсэн. Бүр ганц шөнийн дотор 100 гаруй хүнийг баривчилж байсан тохиолдол ч бий. Тэрээр коммунистуудыг баривчилж харин либералуудыг шууд хэрэгт сэжигтнээр татах байдлаар улс төрөөс зайлуулсан байдаг. Ингэснээр Сингапурт яг бодит сөрөг хүчин байхгүй болсон. Мөн хэвлэл мэдээллийг шууд хориглоогүй боловч төр засгийг шүүмжилсэн нийтлэл бичвэл мөн л шүүхэд дуудах, ихээхэн мөнгөөр торгох зэрэг байдлаар дарамталснаас болоод хэвлэлүүд ч аажимдаа төр засгийг шүүмжлэхээ больж эхлэв. Ингэснээр Сингапурт сонгууль тогтмол явагддаг боловч PAP нам үргэлж ялдаг системийг тэр угсарч чаджээ.
Ли Куан Ю-ын нам аль нэг үзэл суртлыг тэргүүн шугам болгоогүй. Түүний нам зүүн болон барууны ямар ч үзэл баримтлалд баригддаггүй байсан. Харин түүний нам гагцхүү төр засгаа авлигаас салгаж, ард иргэдээ ажилтай орлоготой болгож, бүх нийтийг орон сууцанд хамруулж, нийгмээ аюулгүй тайван болгох үндсэн зорилготой л байв. Өнөөдөр түүний намыг улс төр судлаачид зүүн төвийн нам хэмээн дүгнэх болсон бөгөөд Ли Куан Ю-г харин хүчирхэг консерватив үзэлтэй удирдагч гэж үзэх болжээ.
Консерватив гэснээс АНУ-ын ерөнхийлөгч Доналдь Трамп ч мөн консерватив үзэлтэй хүн, мөн ОХУ-ын ерөнхийлөгч Владимир Путин ч мөн консерватив үзэлтэй. Ер нь цагийн салхи коммунизмыг үл ойшоож, либералчууд өөрсдөө сул дорой болцгоож, консервативчууд хүчээ авч байгааг дэлхий даяар сүүлийн жилүүдэд өрнөж буй үйл явдлууд маш тод харуулж байгаа л даа. Гэхдээ энд бас нэг зүйл байна. Жижиг улсын удирдагчид консерватив үзэлтэй байх нь улс орондоо ашигтай байх нь олон. Аан харин том гүрнүүдийн тэргүүнүүд консерватив үзэлтэй болохоороо л өөрсдийгөө хамгийн хүчтэй нь гэж бодоод, улс үндэстнийхээ эрх ашгийн төлөө юуг ч хамаагүй хийхэд бэлэн болчихдог юм шиг байгаа юм.