sonin.mn
Сэтгэгдэл (0)

Гуравдугаар сарын 16-нд Хятад-Вьетнамын "3+3" стратегийн яриа хэлэлцээний механизмын сайд нарын анхны уулзалт Ханой хотод боллоо. Уулзалтыг Хятадын ГХЯ-ны сайд Ван И, Нийгмийг аюулаас хамгаалах яамны сайд Ван Шяохун, Батлан ​​хамгаалахын сайд Дун Жюнь нар Вьетнамын Гадаад хэргийн сайд Ле Хоай Трун, Батлан ​​хамгаалахын сайд Фан Ван Гианг, Нийгмийг аюулаас хамгаалах яамны сайд Луонг Там Куанг нар хамтран даргалжээ. Хоёр тал "Хөгжил ба аюулгүй байдлыг зохицуулж, социализмын замаар явж, нийтлэг сорилтуудыг хамтран шийдвэрлэе" сэдвийн хүрээнд санал бодлоо гүнзгий солилцож, олон улсын нөхцөл байдлын өөрчлөлт, улс төрийн аюулгүй байдлыг хамгаалах, батлан ​​хамгаалах, хууль сахиулах байгууллагын хамтын ажиллагааг өрнүүлэх зэрэг гол сэдвүүдийн талаар өргөн хүрээнд нийтлэг ойлголтод хүрсэн байна. 




Ван И энэ үеэр хэлэхдээ, "3+3" Стратегийн яриа хэлэлцээний механизмын сайд нарын уулзалт нь хоёр талын хамтран байгуулсан дэлхийн хэмжээн дэх стратегийн харилцаа холбооны анхдагч платформ юм. Мөн ч тус тусын улс төрийн системийн аюулгүй байдлыг хамгаалах, стратегийн зохицуулалтыг гүнзгийрүүлэх зорилготой стратегийн ач холбогдол бүхий томоохон санаачилга гэжээ.




Хоёр тал стратегийн тодорхой байдлыг хадгалах, үзэл суртлын фронтоо бат бөх хамгаалах, стратегийн шийдэмгий байдлыг бэхжүүлж, улам нягт нэгдэх, мөн стратегийн зохицуулалтаа чангатгаж, НҮБ-аар гол цөм болгосон олон улсын систем болон олон улсын эрх зүйд суурилсан олон улсын дэг журмыг бат бөх дэмжих шаардлагатай гэдэгт санал нэгдсэн байна.


Г.Бямба