sonin.mn
Сэтгэгдэл (0)

2026 оны 3-р сарын 22-25-нд Кенийн дэд ерөнхийлөгч Китур Киндикигийн урилгаар Хятад улсын дэд дарга Хань Жэн Кени улсад айлчилж, Найроби хотод тэрээр Кенийн ерөнхийлөгч Уильям Рутотой уулзаж, дэд ерөнхийлөгч Китур Киндикитай хэлэлцээ хийж, "Кени улс нь Хятад улс руу тэг тарифын дагуу экспортлох бодлогыг эдлэх" сэдэвт бүтээгдэхүүний үзэсгэлэн болон Хятад Кенийн бизнесийн форумд оролцож үг хэлэв. 


Хань Жэн Рутотой уулзах үеэрээ Ши Жиньпин даргын мэндчилгээ болон сайн сайхны ерөөлийг ерөнхийлөгч Рутод уламжилсан байна. Хань Жэн хэлэхдээ, Хятад улс Кенитэй хамтран ажиллаж, хоёр орны төрийн тэргүүн нарын тохиролцсон нийтлэг ойлголт болон Хятад Африкийн хамтын ажиллагааны форумын Бээжингийн дээд хэмжээний уулзалтын үр дүнг сайтар хэрэгжүүлж, Хятад-Кенийн хамтын ажиллагаанд шинэ эрч хүч нэмж, шинэ эриний Хятад Африкийн хувь заяаны цогц нэгдлийг бүтээн байгуулахад үлгэр жишээ үүрэг гүйцэтгэхэд бэлэн байна гэв. 


Уильям Руто Ши Жиньпинд халуун мэндчилгээ, сайн сайхны ерөөл дэвшүүлэхийг Хань Жэнгээс хүсээд, Кени улс Нэг Хятад улс зарчмыг тууштай баримталж, Ши Жиньпин даргын дэвшүүлсэн дэлхийн санаачилгыг дэмжиж, тарифыг тэглэх бодлогыг бүх талаар хэрэгжүүлэхээр боломж болгон, Хятад улстай хөгжлийн стратегийн уялдаа холбоог бэхжүүлж, олон салбарын хамтын ажиллагаагаа гүнзгийрүүлж, харилцан ашигтай, хамтдаа амжилтад хүрэхэд бэлэн байна гэжээ.