sonin.mn
Сэтгэгдэл (5)

УИХ-ын гишүүн Лу.Гантөмөр өнөөдөр сэтгүүлчдийн асуултад хариуллаа.


Тэрээр энэ үеэрээ: " Монгол Ардын Намын Удирдах зөвлөл Ардчилсан намтай хамтрах эсэхийг дангаар шийдэх эрхгүй. Учир нь энэ хоёр том нам хамтрах асуудал нь зайлшгүй МАН-ын Бага хурлын шийдвэрээр шийдэгдэх ёстой.

Өмнө нь Ардчилсан намыг Засгийн газраас гаргах шийдвэр Монгол Ардын Намын Бага хурлаас гарсан. Тиймээс дахин хамтран ажиллах асуудлыг шийдэхийн тулд Бага хурал дахин шийдвэр гаргах шаардлагатай.


Үүний дараа Ардчилсан намын Үндэсний бодлогын хороо шийдвэрээ гаргах дараагийн шатны процесс үргэлжилнэ.


Ийм нөхцөлд өнөөдөр хамтрах нь зөв, буруу талаар ярих боломжгүй бөгөөд үндэслэлгүй таамаг дэвшүүлэх нь зохисгүй.

Харин Монгол Ардын Намын Бага хурлын шийдвэр гарсны дараа бид өөрсдийн байр суурь, санаа бодлоо илэрхийлэх боломж нээгдэх юм." гэв.


Б.Төгсбаясгалан