Баасан - 04 сарын 10,
2026
ВАШИНГТОН, Дөрөвдүгээр дүгээр сарын 10 /Reuters/. Жеффри Эпштейнтэй ямар нэгэн холбоогүй бөгөөд түүний хохирогчдын нэг биш гэдгээ АНУ-ын Тэргүүн хатагтай Меланиа Трамп пүрэв гарагт албан ёсоор мэдэгдлээ. Ингэснээр түүний нөхөр Д.Трамп Эпштейний хэргийг намжаахыг удаа дараа оролдсоны дараа уг хэргийг дахин олны анхааралд оруулсан байна.
Ж.Эпштейн өөрийг нь Дональд Трамптай танилцуулсан гэх цахим орчинд тархсан цуурхлыг Меланиа няцаагаад, нөхөртэйгөө 1998 онд Нью-Йорк хотод болсон үдэшлэгийн үеэр танилцсан гэж мэдэгджээ.
Харин үүнээс хоёр жилийн дараа нөхрийнхөө хамт өөр нэгэн үйл ажиллагаанд оролцох үеэрээ Эпштейнтэй таарч байсан гэж тэрбээр хэлсэн байна. Үүний сацуу Меланиа Ж.Эпштейний хэргийн хохирогчдыг оролцуулсан нээлттэй сонсгол зохион байгуулахыг Конгресст уриалсан байна. Ингэснээр Д.Трампын намжаахыг хүсэж буй уг асуудалд олон нийтийн анхаарлыг улам хүчтэй хандууллаа.
"Намайг жигшүүрт Жеффри Эпштейнтэй холбосон худал хуурмаг мэдээлэл өнөөдөр эцэс болох ёстой. Би Эпштейний хохирогч биш, түүнтэй хэзээ ч найз нөхдийн холбоотой байгаагүй" гэж Меланиа Трамп мэдэгдээд, сэтгүүлчдийн асуултад хариулахаас татгалзжээ.
Мөн Ж.Эпштейний гол хамсаатан гэгддэг, шүүхээс ял сонссон Гислейн Максвеллтай ямар нэгэн харилцаатай байгаагүй, албан бус захидлаар харилцаж байсан гэж мэдэгдсэн байна.
Г.Энх-Од
Эх сурвалж: "Монцамэ" агентлаг
Сэтгэгдэл2
Трамп гадаадад Ираны дэглэмийг бөмбөгдөж" байх зуураа дотооддоо нөгөө алдарт "Deep State" буюу хөшигний ардах эздийг нь гавлахаар зэхэж байна даа. Энэ чинь ерөөсөө л "Бүрэн хэмжээний дайн" бүх фронтоор өрнөж байгаа нь Трампын өшөө авалтын хавар болоод байна. Трамп 2016 онд Ерөнхийлөгчийн сонгуульд ялсан ч "хөшигний ардах эздийн" тагнуулчид Түүний хөлийг нь тушиж, 4 жил "Оростой хуйвалдсан" гэдэг зохиомол хилс хэргээр гүтгэсэн. Трамп одоо жинхэнэ утгаараа "Гэрээ цэвэрлэж" байна. Тэр Тагнуулын төв газрын дарга асан Бреннан ХМТ-ны дарга асан Комей гэх мэт Аварга чононуудыг" Флоридагийн шүүх рүү чирж байна шүү дээ. Энэ бол зүгээр нэг улс төр биш, ерөөсөө л Америкийн улс төрийг хэн атгах вэ гэдэг эцсийн тэмцэл. Трамп гадаад дайснаа дарчихаад, яг тэр эрчээрээ дотоод "дайснууд" руугаа дайрч орох нь. Тэр үед Америкийн телевизүүдээр нөгөө том дарга нар гартаа гавтай, толгой гудайлгаад явж байхыг харахад манай Монголчууд байтугай дэлхий нийтээрээ гайхшралд орох байх аа.
Трампын багийн гол зорилго бол ерөөсөө л "Элитүүдэд үйлчилдэггүй, жирийн иргэдэд үйлчилдэг ганцхан хуультай болгох". Тэд "Далд төр" гэж нэрлэсэн тэр бүлэглэлийг устгахгүй бол Америк гүрэн дотроосоо ялзарч задарч дуусна гэдгийг мэдэж байгаа. Тиймээс энэ баривчилгаанууд бол зөвхөн "өшөө авалт" төдий биш, харин Америкийн улс төр засаглалыг дахин төвшитгөх ажил юм байна. Трамп яг л "Чингис хаан" шиг авирлаж байна шүү дээ! Дайснаа үндсээр нь устгах. Урвагчдыг өршөөхгүй байх. Шударга ёсыг өөрийнхөө гараар тогтоох юм. 2026 оны энэ хавар, Америкийн гудамжинд байгаа "No Kings" жагсагчид энэ баривчилгааг сонсоод яах бол доо? Учир нь юу хэмээвээс хашхирч буй жагсагчид нөгөө талдаа "Хууль хүн бүрт ижил үйлчлэх ёстой" гэсэн зарчмыг шаарддаг. Хэрэв Трамп улс төрийн дээд түвшний "акулуудыг" гавтай чирээд гаргаад ирвэл, энэ нь жагсагчдын дунд маш том хагарал үүсгэнэ. Нэг хэсэг нь үүнийг "Дарангуйлал" гэж харах бол, дийлэнх нь "Шударга ёс тогтож байна" гэж хүлээж авна.