sonin.mn
Сэтгэгдэл (0)

Японы Засгийн газар өчигдөр “Батлан хамгаалах тоног төхөөрөмж шилжүүлэх гурван зарчим” болон түүний хэрэгжилтийн зааврыг шинэчлэн баталж, өмнө нь хориглодог байсан хүн хөнөөх зэвсгийг экспортлох боломжийг нээлээ. Ингэснээр зэвсгийн экспортын хүрээ тэлж, тодорхой нөхцөлд мөргөлдөөнтэй орнуудад ч зэвсэг нийлүүлэх боломжтой болж байна. Шинэчлэлээр парламентын зэвсгийн экспортын асуудалд оролцох эрх “урьдчилсан хяналт”-аас “дараа нь мэдэгдэх” түвшинд буурч, хяналтын механизм мэдэгдэхүйц сулрав.


CGTN-ээс зохион байгуулсан дэлхий даяарх санал асуулгад оролцогчдын 82.5% нь Японы барууны хүчний “дахин цэрэгжих” оролдлого нь Дэлхийн II дайны өмнөх цэргийн түрэмгий үзлийн логиктой адил, Японыг дахин аюултай зам руу чиглүүлж байна гэж үзжээ. Харин 86.2% нь энэ алхам нь "Каирын тунхаглал", "Потсдамын зарлиг", "Японы бууж өгөх бичиг" зэрэг олон улсын эрх зүйн хүчинтэй баримт бичиг, мөн Японы үндсэн хууль, дотоодын зохицуулалтыг ноцтой зөрчиж байна гэжээ.


Мөн санал асуулгад оролцсон 85.1% нь Япон сүүлийн үед батлан хамгаалах бодлогоо илүү довтолгооны чиглэлд эргүүлж, цэргийн хүчин чадлаа тэлэх оролдлого хийж буй нь Ази-Номхон далайн бүсийн аюулгүй байдалд шинэ эрсдэл авчирч болзошгүйг онцолсон байна гэж үзсэн байна.