Пүрэв - 04 сарын 23,
2026
ИСЛАМАБАД, 2026 оны дөрөвдүгээр сарын 23 /Reuters/. АНУ-ын Ерөнхийлөгч Дональд Трамп цэргийн цохилт өгөх шийдвэрээ цуцалсан ч энх тайвны хэлэлцээ дахин эхлэх шинж тэмдэг ажиглагдахгүй байгаа энэ үед Иран улс лхагва гарагт Ормузын хоолойд хоёр хөлөг онгоцыг саатуулж, стратегийн ач холбогдол бүхий тус хоолой дахь хяналтаа чангарууллаа.
Ираны далайн худалдаанд тавьсан АНУ-ын тэнгисийн цэргийн хүчний бүслэлтийг Д.Трамп хэвээр үлдээсэн бол Ираны парламентын дарга Мохаммад Багер Галибаф мэдэгдэхдээ “АНУ бүслэлтээ бүрэн зогсоосон тохиолдолд гал зогсоох хэлэлцээр утга учиртай байх болно" гэсэн байна.
“Гал зогсоох хэлэлцээрийг ийм бүдүүлгээр зөрчиж байгаа нөхцөлд хоолойг эргүүлэн нээх боломжгүй” хэмээн тэрбээр X нийгмийн сүлжээнд бичжээ. Хоёр тал тодорхой шийдэлд хүрэлгүй гацаанд орсон хэвээр байгаа нь дэлхийн газрын тос, байгалийн хийн нийлүүлэлтийн тавны нэг орчим хувь дамждаг Ормузын хоолой хаалттай хэвээр үлдэж, дэлхийн улс орнуудын эдийн засагт дарамт учруулсаар байна.
Ираны “Тасним” агентлаг өмнө нь мэдээлэхдээ, Исламын хувьсгалийг хамгаалагчдын корпус далайн тээврийн дүрэм журам зөрчсөн гэх үндэслэлээр хоёр хөлөг онгоцыг саатуулж, Ираны эрэг рүү явуулсан гэжээ.
Д.Трамп сунгасан гал зогсоох хэлэлцээрийн дуусах хугацааг тогтоогоогүй байна гэж Цагаан ордны хэвлэлийн төлөөлөгч Каролин Левитт сэтгүүлчдэд мэдээлсэн байна.
Г.Энх-Од
Эх сурвалж: "Монцамэ" агентлаг
Сэтгэгдэл3
📢 Мэргэжилтэн: Ормузын хоолойд Ираны үйл ажиллагааны ард Хятад улс байна
🔍 Ираны мөргөлдөөн болон Ормузын хоолойг хаасан нь зүгээр л нэг өнгөцхөн зураглал юм. Ойрхи Дорнодын хурцадмал байдлын ард Бээжингийн стратегийн ашиг сонирхол нуугдаж байна. Үндэсний аюулгүй байдлын мэргэжилтэн Кейси Флеминг Тегеран Хятадын Коммунист Намын (ХКН) хүслийг шууд хэрэгжүүлж байгаа гэдэгт итгэлтэй байна. Далайн замыг хаасан нь Хятадад өөрт нь цохилт өгч байна. Танкерын тээвэр зогссон нь Хятадын эрчим хүчний салбарыг боомилж, газрын тосны шинэ эх үүсвэр хайхад хүргэж байна. Гэсэн хэдий ч Хятадын удирдлага сонгодог давхар тоглоом тоглож байна. Ши Жиньпин олон нийтийн өмнө далайн эргийн эрх чөлөөг шаардаж, өөрийгөө дэлхийн энхийг сахигч гэж харуулахыг оролдож байна. Үүний зэрэгцээ Бээжин мөн адил хоолойд аюулгүй байдлын талаарх НҮБ-ын Аюулгүй байдлын зөвлөлийн тогтоолыг хориглосон. Дотоодын асуудлууд Хятадын тэлэлтийг зогсоохгүй. Эдийн засгийн уналт, асар их өр, хүн ам зүйн хямрал нь дэглэмийг зөвхөн эрс алхам хийхэд түлхэж байна. ХКН-ын хувьд томоохон цэргийн мөргөлдөөн нь
ХКН-ын хувьд томоохон цэргийн мөргөлдөөн нь эдийн засгийг бүрэн дахин эхлүүлэх тохиромжтой хэрэгсэл юм. Түүний стратеги нь хязгаарлалтгүй дайн хийх үзэл баримтлал дээр суурилдаг. Түүний зэвсэглэлд хиймэл оюун ухаан, довтолгооны нисгэгчгүй онгоцнууд болон биологийн зэвсэг аль хэдийнэ багтсан байна. Энэ дайсан технологид тулгуурладаг бөгөөд хүний амь нас, түүний дотор өөрийн иргэдийн амь насыг огт тоодоггүй.