sonin.mn
Сэтгэгдэл (0)

АФИН, 2026 оны дөрөвдүгээр сарын 30 /BTA/. Афин хотноо болсон Болгар, Грек, Турк улсуудын Дотоод хэргийн сайд нарын гурван талын уулзалтаар хилийн аюулгүй байдлын асуудлыг хэлэлцсэн тухай Болгарын Дотоод хэргийн сайдын үүрэг гүйцэтгэгч Эмил Дечев мэдээлжээ. Э.Дечев мэдэгдэхдээ, уулзалтын үеэр сайд нар гурван улсын хилээр нэвтрэх хууль бус цагаачдын тоо буурах нааштай хандлага ажиглагдаж байгааг онцолсныг дурдаад, үүнийг хүний наймаатай тэмцэх ажиллагаа эрчимжсэн, мөн Болгар, Грек, Турк гурван улсын хамтын ажиллагаа сайжирсны үр дүн хэмээн тайлбарласан байна.


Тэрбээр хэлэхдээ, Грекийн тал Болгар-Туркийн хилийн бүсэд дэмжлэг үзүүлэхээр багуудаа илгээж байгаа бол Болгар улс тэнгисийн хилээр цагаачдыг хууль бусаар тээвэрлэхтэй тэмцэхэд Грекийн эргийн хамгаалалтынханд туслах зорилгоор Хилийн цагдаагийн хөлөг онгоцоо байрлуулаад байна гэжээ. 


Мөн гурван улсын хооронд мэдээлэл тогтмол солилцож, байнгын харилцаа холбоотой ажиллаж байгааг онцлон тэмдэглэсэн байна. "Манай улс Шенгений бүсэд нэгдсэнээс хойш Болгар-Грекийн хилийн бүсэд зөрчил гарахгүй байгаад Грекийн тал сэтгэл хангалуун байгаа. Энэ бол талуудын нэгдсэн дүгнэлт юм. Мөн Туркийн талтай хийж буй хамтын ажиллагаа маш өндөр түвшинд байна" гэж Э.Дечев хэллээ. 




Г.Энх-Од

Эх сурвалж: "Монцамэ" агентлаг