sonin.mn
Сэтгэгдэл (0)

4-р сарын 27-нд НҮБ-ын Аюулгүйн Зөвлөлд болсон Далайн аюулгүй байдлын талаарх өндөр түвшний нээлттэй хуралд Хятадын НҮБ-д суугаа Байнгын төлөөлөгч Фу Цун үг хэлж, Ормузын хоолой хаагдсан гол шалтгаан нь АНУ, Израилийн Ираны эсрэг эхлүүлсэн хууль бус цэргийн ажиллагаатай холбоотой гэж онцлов. Тэрээр хоолой дахь далайн тээврийн тасалдлыг шийдвэрлэх арга зам нь аль болох хурдан цогц, удаан хугацааны гал зогсоох, дайсагнасан ажиллагааг эцэслүүлэх явдал гэж мэдэгджээ.




Тэрээр хэлэхдээ, түр гал зогсоох тохиролцоонд хүрсэн ч АНУ цэргийн хүчээ нэмэгдүүлж, зорилтот хаалтын ажиллагаа явуулж буй нь аюултай бөгөөд хариуцлагагүй ажиллагаа юм. Хятад улс Пакистан зэрэг орнуудын зуучлалын хүчин чармайлтыг сайшааж, холбогдох талуудыг улс төр, дипломат сувгаар маргааныг шийдвэрлэхийг уриалж, гал зогсоохыг зөрчих эсвэл мөргөлдөөнийг хурцатгах аливаа үйлдлийг эсэргүүцэж байна. Хятад улс бүс нутгийн энх тайван, тогтвортой байдлыг дэмжихэд бүтээлч үүрэг гүйцэтгэсээр байх болно.