sonin.mn
Сэтгэгдэл (0)

Брент маркийн түүхий газрын тосны үнэ 126 доллароос давснаар сүүлийн дөрвөн жилийн хугацаан дахь хамгийн өндөр түвшинд хүрлээ. Энэ нь Ираныг бүслэн хаах ажиллагаагаа өргөжүүлэхээр АНУ бэлтгэж байна гэх мэдээлэл цацагдсантай холбоотой юм.


ICE биржид болсон арилжаагаар зургаадугаар сард нийлүүлэх нэг баррель Брент маркийн газрын тосны үнэ 126.3 долларт хүрсэн байна. Харин WTI маркийн нефтийн үнэ 10.5 хувиар өсөж, 110.5 доллар болжээ.


Ормузын хоолойгоор дамждаг нийлүүлэлт удаан хугацаанд тасалдана гэсэн болгоомжлолоос үүдэн нефтийн үнэ ийнхүү огцом өслөө. Wall Street Journal сонинд бичсэнээр, АНУ-ын Ерөнхийлөгч Д.Трамп Ираны боомтуудыг удаан хугацаагаар бүслэн хаахад бэлтгэхийг туслахууддаа үүрэг болгосон байна. Бүслэлт явуулснаар Ираны тал хадгалах савнууд дүүрмэгц олборлолтоо зогсооно хэмээн Америкийн албаны хүмүүс тооцоолж байгаа ажээ.


Өчигдөр Chevron компанийн ерөнхий захирал Майк Вирт зэрэг эрчим хүчний компаниудын захирлууд Ерөнхийлөгч Д.Трамптай уулзаж, Америкийн хэрэглэгчдэд учрах хүндрэлийг багасгах талаар ярилцсан байна.


Дүн шинжилгээний Oxford Economics фирмийн шинжээчдийн үзэж байгаагаар, Ормузын хоолой зургаан сарын турш хаагдсан тохиолдолд наймдугаар сар гэхэд нефтийн 190 долларт хүрч магадгүй ажээ. 



Б.Адъяахүү