Сүүлийн үед Францын парламент хууль бусаар олдсон бусад улсын өв соёлын бүтээлүүдийг буцаан өгөх процедурыг хялбаршуулах хуулийн төслийг хэлэлцэн баталлаа. Уг төсөл нь олон улсын хувьд алдагдсан өв соёлыг эргүүлэн авах асуудлыг хөндөж байгаа тул олон талын анхаарлыг татсан байна.

Хятадын Төв Радио Телевизийн CGTN сувгийн олон улсын үзэгчид, сүлжээ ашиглагчдын дунд явуулсан Санал асуулгын дүнгээс харахад, оролцогчдын 67.6 хувь нь уг хуулийн батлалтыг Франц улс колонийн үед дээрэмдсэн өв соёлыг хуулийн хүрээнд үнэлж, түүхийг залруулах эхний алхам хийсэн гэж үзжээ.

Хуулийн төсөлд өв соёлын бүтээлийг буцаан өгөх нөхцөлд нийцсэн гадаадын эд өлгийн зүйлсийг олон нийтийн цуглуулгад “хасах” зохицуулалт нэмж оруулсан байна. Ингэснээр тухайн буцаан олгох асуудлыг тус бүрийн хуулийн төсөл батлах шаардлагагүйгээр захиргааны журмаар шийдвэрлэх боломжтой болжээ. Санал асуулгад оролцогчдын 90.8 хувь нь Францын парламент энэхүү хуулийн төслийг батлах арга хэмжээг дэмжсэн байна.

Өмнө нь Францын олон нийтийн музейд колоничлолын үеэс үлдсэн олдворууд их хэмжээгээр хадгалагддаг байсан бөгөөд одоогийн хууль ёсоор “нийтийн өмчид орсон” олдворыг ерөнхийдөө шилжүүлэх боломжгүй, буцаан өгөхийг тус бүрээр хууль тогтоох замаар шийддэг байсан тул процесс төвөгтэй байсан юм. Санал асуулгад оролцогчдын 85.4 хувь нь энэ арга нь барууны колоничлогч орнуудын “олдворын хууль ёсны эрх” гэсэн ойлголтыг няцааж, бусад орнуудыг өөрийн олдворын бодлогыг дахин нягтлахад чиглүүлнэ гэж үзжээ.

Гэсэн хэдий ч, хуульд буцаан өгөх олдворын стандарт, процесс зэрэгт хэд хэдэн хязгаарлалт зааж өгсөн байна. Францын Засгийн газар жил бүр парламентдаа гадаадын буцаан авах хүсэлт болон түүний шийдвэрлэлтийн явцыг тайлагнах ёстой. Санал асуулгад оролцогчдын 91.1 хувь нь хууль батлагдсанаар олдвор автоматаар буцаан очихгүй бөгөөд хууль бус олдворыг буцаан өгөх ажил одоо ч урт удаан байх болно гэж үзэж байна.

Олдвор нь улс, үндэстний соёлын үргэлжлэл, өв сан бөгөөд гадаад руу алдагдсан олдворыг эх оронд нь буцаан авчрах нь колоничлолоор дээрэмдэгдсэн улс орнуудын хамтын хүсэл юм. Санал асуулгад оролцогчдын 91.1 хувь нь колоничлол, дайн байлдааны үеэр дээрэмдсэн олдвор нь ямар ч хууль ёсны үндэслэлгүй гэж үзэж, аль болох хурдан эх оронд нь буцаан өгөхийг уриалсан байна. Мөн 96.5 хувь нь олон улсын эрх зүйн хүрээнд илүү хэрэгжих чадвартай, хязгаарлалт бүхий олон улсын дүрэм бий болгож, дээрэмдэгдсэн олдворыг эргэн авах механизмыг байгуулахыг олон улсын хамтын нийгэмлэгт уриалжээ.

Энэхүү судалгаа CGTN-ийн англи, испани, франц, араб, орос хэлний платформд нийтлэгдсэн бөгөөд 24 цагийн дотор гадаадын 4,127 хэрэглэгч оролцож, санал бодлоо илэрхийлжээ.