sonin.mn
Сэтгэгдэл (1)

7-р сарын 22-нд РИА Новости агентлаг ОХУ-ын Ерөнхийлөгчийн хэвлэлийн нарийн бичгийн дарга Дмитрий Песковын үгээс иш татаж Оросын шатахууны зах зээлийн нөхцөл байдал сайжирч байгаа тухай мэдээлэв.


ОХУ-ын Ерөнхийлөгч Владимир Путин мөн өдөр Москвагийн Кремльд холбооны Засгийн газар болон Төв банкны өндөр албан тушаалтнуудтай эдийн засгийн уулзалт хийжээ. Дмитрий Песков уг уулзалтаар холбооны Засгийн газраас дотоодын шатахууны зах зээлийг тогтворжуулахын тулд авч хэрэгжүүлсэн арга хэмжээ үр дүнтэй болох нь батлагдсан бөгөөд Оросын олон бүс нутгийн зах зээлийн нөхцөл байдал "сайжирч" байна гэж дүгнэсэн гэж мэдэгдэв.


Гэсэн хэдий ч тэрээр түлшний зах зээлийн нөхцөл байдал "онцгой анхаарал" шаардаж байгаа бөгөөд холбогдох хариу арга хэмжээг үргэлжлүүлэн хэрэгжүүлэх шаардлагатай гэжээ.


Энэ оны 5-р сарын сүүлээс хойш Оросын олон бүс нутагт шатахууны хангамж хязгаарлагдмал байгаа бөгөөд үнийн өсөлт, шатахуун түгээх станцуудад худалдан авалтын хязгаарлалт, байнга дараалал үүсэх зэргээр тодорхойлогдож байна. Зах зээлийг тогтворжуулахын тулд ОХУ-ын Засгийн газар бензин болон бусад зарим түлшний экспортыг түр хугацаагаар хориглож, мөн 7-р сарын 8-наас 7-р сарын 31-ний хооронд дизель түлшний экспортыг хориглосон юм.



Г.Бямба