sonin.mn
Сэтгэгдэл (0)

2025 оны 4-р сарын 29-нд Хятад улсын дарга Ши Жиньпин Шанхай дахь Шинэ хөгжлийн банкны төв байранд зочилж, банкны ерөнхийлөгч Дилама Руссеффтэй хэлэлцээ хийв. Хэлэлцээний үеэр ямар чухал зөвшилцөлд хүрсэн бэ? Тус банк 10 жилийн ойгоо тэмдэглэх гэж байгаа энэ үед ерөнхийлөгч Дилама Руссеф тус банкны сүүлийн 10 жилийн дэлхийн эдийн засгийн хамтын ажиллагаанд оруулсан хувь нэмрийг хэрхэн үнэлж байна вэ? мөн тэрээр дэлхийн Өмнөдийн орнууд, тэр дундаа БРИКС-ийн орнууд олон улсын эдийн засгийн шинэ дэг журам тогтооход ямар үүрэг гүйцэтгэнэ гэж найдаж байна вэ? 




Дилама Руссефф: Ши Жиньпин даргатай хийсэн уулзалт бүрэн амжилттай боллоо. Ши Жиньпин дарга шинэ хөгжлийн банкинд, ялангуяа хүнд хэцүү үед маш их дэмжлэг, туслалцаа үзүүлж ирсэн. Тэрээр Шинэ хөгжлийн банкны эхний арван жилийг “Алтан арван жил” гэж тодорхойлсон. 4-р сарын 29-нд Ши Жиньпин дарга Шинэ хөгжлийн банкинд зочилж, түүний хоёр дахь "алтан арван жил" гэж нэрлэгдсэн банкны дараагийн 10 жилийн талаар ярилцлаа. Үүний зэрэгцээ тэрээр Банкинд онцгой ач холбогдолтой саналуудыг дэвшүүлсэн. Ши Жиньпин дарга Шинэ хөгжлийн банкны ирээдүйн хөгжлийн чиг хандлагыг маш тодорхой ойлгож байна.


2008 оны санхүүгийн хямралын дараа хөгжиж буй орнууд валютын тогтвортой байдлаа хэрхэн хангах вэ гэдэг нь санхүүгийн салбарын чухал сэдэв болсон байна. 2015 оны 7-р сард Ши Жиньпин даргын хүчтэй дэмжлэгээр Шинэ хөгжлийн банк Шанхайд албан ёсоор ажлаа эхлүүлэв. Өнгөрсөн 10 жилийн хугацаанд Шинэ хөгжлийн банк нь эрх тэгш хөгжлийн платформ байгуулж, БРИКС-ийн гишүүн орнууд болон хөгжиж буй бусад зах зээл, хөгжиж буй орнуудын санхүүгийн засаглалын үр дүнтэй хэрэгсэл болж, олон талт, олон туйлт шинж чанартай олон улсын санхүүгийн бүтцийг бий болгоход тус дөхөм үзүүлсэн юм.


Одоогоор нийт 40 тэрбум ам.долларын 120 орчим төслийг батлаад байна. Цаашлаад хамрах цар хүрээг бүрэн өргөжүүлэхийг хүсэж байна.