Манайхан “ардчилал, ардчилал” байнга орилно. 30 гаруй жил орилж байна. Та бидний хамтдаа туулж, сайн мууг нь мэдэх олон үйл явдлын улмаас Монгол дахь ардчилал бууран доройтож, үхлүүт байдалд орсныг бид бүгдээрээр мэднэ. Харин яагаад ч юм Монголын ардчиллыг МАН албан ёсоор, хууль зүйн хувьд бүрэн устгасныг огт мэддэггүй, ярьдаггүй. Энэ тухай товч өгүүлсү…
2013 оноос АН-аас Ц.Элбэгдорж, Э.Бат-Үүл, МАН-аас Г.Занданшатар нар уриалан манлайлж Монголд “Зөвлөлдөх ардчилал” гээчийг нэвтрүүлэн хамгийн эхлээд ҮХ-ийг энэ “онол”-ынхоо дагуу өөрчлөв. Энэ нь ямар гээчийн аюултай, хор уршигтай болох талаар тухайн үед би чадлаараа орилсон боловч хэн ч тоосонгүй. 2019.06.24-нд миний бичсэн “Шинэ Үндсэн Хуулийн цаад учир” өгүүлэлд үүнийг нэн тодорхой тайлбарласан. (https://ganaa.mn/2019/06/24/khktwtregfgafafa/) Уг нь энэ өгүүллийг уншиж, эргээд санавал онол, практикийн бүхий л хор уршиг нь нэн тодорхой байгаа. Гэвч би энэ тухай одоо ярихгүй.
Энэ удаад би Г.Занданшатар, Г.Лүндээжанцан хоёрын хүчиндэн зүтгүүлж 2017.07.09-нд УИХ-аар баталсан “Зөвлөлдөх санал асуулгын тухай” хуулийн талаар маш товч ярина…
“Зөвлөлдөх санал асуулгын тухай хууль” гарснаар Монгол дахь ардчилал хууль зүйн хувьд бүрэн устаж, МАН-ын дур зоргийн дангаар засаглал тогтсон юм. Өөрөөр хэлбэл 2017.07.09-нд Монголын ардчилал сөнөсөн. Үүнийг нотлох тун амархан…
МАН үүнээс хойш түүнээс цааш Монголын төр (үнэндээ бол МАН) ард түмэнтэйгээ байнга “зөвлөлдөж” байх бөгөөд үүний тулд “3өвлөлдөх санал асуулгын тухай хууль” гаргаж байна. Бид ард түмэндээ туйлаас хайртай учраас дандаа “зөвлөлдөж”, “иргэдийн оролцоог” хангаж байгаа юм. Энэ үгэнд ард түмэн туйлын их баярлав. Баярласан ч гэж дээ, гоё үгэнд нь хууртаад огт тоогоогүй. Манайхан чинь үнэн хэнэггүй гарууд ш дээ…
Ингээд “Зөвлөлдөх санал асуулгын хуулийг” нь хамтдаа шинжлээд үзье. Гэхдээ энийг монголоор “орчуулж тайлбарлах”-гүй бол барагтай баагий ойлгохын аргагүй зовлонтой эд. Иймээс уг хуулийн тодорхой заалтын ард судлаачийн тайлбар дагалдуулна. Дурдсан хуулиас хэдхэн жишээ авъя:
1. Хууль: “6.4. Нийтийн ашиг сонирхолд хамааралтай тодорхой асуудлаар зөвлөлдөх санал асуулга явуулах талаар нийслэлийн хэмжээнд 500-аас дээш, дүүрэгт 300- аас дээш, аймагт 100-аас дээш, суманд 50-аас дээш тухайн нутаг дэвсгэрт байнга оршин суугч иргэний гаргасан санал, хүсэлтийг шийдвэр гаргах эрх бүхий этгээд хэлэлцэн шийдвэрлэх үүрэгтэй.”
Монгол тайлбар: Нийслэлд 500, дүүрэгт 300, аймагт 100, суманд 50-иас дээш баагий санал хүсэлт гаргавал эрх бүхий этгээд (хэн юм ?) хэлэлцэн шийдвэрлэж (яаж ?), санал асуулга явуулах асуудлыг шийдвэрлэнэ. Хэрэв “эрх бүхий этгээд” үгүй гэвэл санал асуулга явуулахгүй.
2. Хууль: “8.1….Зөвлөлдөх санал асуулгыг олон нийтийн ашиг сонирхлыг төлөөлөх бүрэлдэхүүн бүхий Зөвлөлдөх зөвлөл удирдан зохион байгуулна.”
Монгол тайлбар: Зөвлөлдөх санал асуулгыг зөвхөн дээрээс тусгайлан сонгож авсан 5-11 баагий зохион байгуулна.
3. Хууль: “10.3.Зөвлөлдөх санал асуулгаар санал авах ажлыг статистикийн байгууллага гүйцэтгэнэ.”
Монгол тайлбар: Одоодээр дурдсан “Зөвлөлдөх Зөвлөл” алга болж, түүний оронд Статистикийн Газар “гүйцэтгэх” буюу зохион байгуулах болж байна.
4. Хууль: “11.2.Зөвлөлдөх санал асуулга хоёр шаттай байна.”
Монгол тайлбар: Монголчууд тийм ч амархан “зөвлөлдөнө” гэж бодож байвал тун их эндүүрч. Та маш их хичээвэл 2 дахь шатны зөвлөлдөх санал асуулгад оролцох эрх олж авна.
5. Хууль: “11.5.Зөвлөлдөх санал асуулгын 1 дэх шатанд МУ-ын 18 насанд хүрсэн иргэн оролцох эрхтэй бөгөөд оролцох иргэний тоог…Үндэсний статистикийн хорооноос баталсан аргачлалын дагуу Зөвлөлдөх зөвлөл тогтооно.”
Монгол тайлбар: Та “зөвлөлдөх” эрхтэй болсон гэж нэг их баярлах хэрэггүй. Та Статистикийн Газрын тоонд багтаагүй бол “зөвлөлдөх” ямар ч эрхгүй. Танд бас нэг мундаг эрх бий. Энэ нь “зөвлөлдөх”-өөс татгалзаж болно. Татгалзах бол бүрэн чөлөөтэй. Нэг ч гэсэн баагий цөөрч байвал сайн л биз.
6.Хууль: “11.8.Зөвлөлдөх санал асуулгын 2 дахь шатанд 1 дэх шатанд оролцсон иргэний 50-аас доошгүй хувийг тохиолдлын зарчмаар сонгон авна.”
Монгол тайлбар: Та 1 дэх шатанд орсон гэж нэг их баярлах хэрэггүй. Учир нь 2 дахь шатанд өмнө “зөвлөлдсөн” баагийнуудын 50% хасагдана. Иймээс 1 дэх шатанд “зөвлөлдсөн” Таны санал хүчингүй. Та “тохиолдлын зарчим” гэдэг юманд нь багтвал аз чинь, багтахгүй бол хохь чинь…Харин “тохиолдлын зарчмыг” Статистикийн Газар мэднэ.
7.Хууль: “1.10.3.хоёр дахь шатны зөвлөлдөх санал асуулга буюу зөвлөлдөх уулзалтад оролцогчийг 15-аас илүүгүй хүнтэй хэсэг болгож, бүрэлдэхүүнийг тохиолдлын зарчмаар сонгох”
Монгол тайлбар: Та нар танхим дүүрэн суучихаад “элдэв хангайн юм” донгосдог ардчилсан заншлаа март. Харин одоо бол нэг танхимд 15-аас илүү хүн “зөвлөлдөх” ёсгүй. Байлаа ч гэсэн тус тусдаа танхимд “зөвлөлдөнө.”
8.Хууль: “6.1.Зөвлөлдөх санал асуулгыг дараах асуудлаар явуулна:
6.1.1.МУ-ын ҮХ-д нэмэлт, өөрчлөлт оруулах…асуудлыг Улсын Их Хурал хэлэлцэн шийдвэрлэх үндэслэл, шаардлагыг тодорхойлох;
6.1.2.орон нутгийг хөгжүүлэх сангаас хэрэгжүүлэх төсөл, арга хэмжээ;
6.1.3.хот, суурин газрын хэсэгчилсэн төлөвлөлт /нийтийн эзэмшлийн цэцэрлэгт хүрээлэн, ногоон байгууламж/.
Монгол тайлбар: Та зөвхөн дээр дурдсан 3 асуудлаар зөвлөлдөх эрхтэй. Яахав, “ногоон байгууламж” мэтийн асуудлаар дураараа ярьж байна биз. Бусад том асуудлаар “зөвлөлдөх” гэвэл бүү горьд…
Би ямар дэлхийн бүх хуулийг мэдэх биш. Гэхдээ л үүн шиг адгийн, усан тэнэг, ард түмнээ хүчиндсэн, ардчиллын үнэр ч байхгүй, шившгийн хууль дэлхийд байхгүй гэдэгт итгэлтэй байна.
* * *
Г.Занданшатарын Баруунаас авчирсан “Зөвлөлдөх ардчиллын онол” гээчийг Монголд хүчээр нэвтрүүлж, Д.Лүндээжанцантай хамтран биечлэн зүтгүүлж зохион байгуулсан “Зөвлөлдөх санал асуулгын тухай хууль” гээч нь иймэрхүү хөгийн, адгийн новшийн жүжиг байгаа юм.
“Зөвлөлдөх санал асуулгын тухай гэсэн энэ новшийн заваан хуулийн дагуу МУ-ын ҮХ-ийн нэмэлт өөрчлөлтийг хүчиндэж хийсэн нь бүр ч их гутамшиг, шившиг болсныг онцлон дурдаж байна.
Г.Занданшатар, Д.Лүндээжанцан нарын зүтгүүлэн хийж, МАН-ын УИХ-аас баталсан ҮХ новш гэсэн дүгнэлтийг би бүрэн итгэлтэй хийж байна. “ҮХ-ийг шүүмжилж муулбал гэмт хэрэг шүү” гэсэн Г.Занданшатарын “сүрдүүлгийг” би хогийн саванд хаяж байна. Яахав, Монголд ардчилал устсан “тооллын эхлэл”-ийг Шинэ ҮХ баталсан 2019.11.14-ний өдрөөр авсан ч болно. Гэвч энэ нь төдийлөн ач холбогдолтой биш…
Манайхан үнэхээр хэнэггүй гарууд гэдгийг би сайн мэднэ. Гэхдээ одоо бол манай ард түмэн ойлгож, тэвчээр нь барагдаж байгаа гэж бодож байна. Хүн, иргэн л юм бол ийм тэнэг “хууль” болон түүнийг гаргасан этгээдүүдийг тэвчиж сууна гэдэг ухаан санаанд багтамгүй…
2017.07.09-нд МУ дахь ардчилал албан ёсоор, хууль зүйн хувьд бүрэн устсан нь ямар ч маргаангүй бөгөөд хөдөлбөргүй. Монголын ардчиллыг өөрийн гараар, санаатай устгасан эзэн нь МАН. Өөр хэн байх билээ ?!
Иймээс МАН-ыг татан буулгах нь туйлын зөв бөгөөд хамгийн шударга үйлс болно…
Судлаач Х.Д.Ганхуяг.
2021 оны 04 дүгээр сарын 21
Эх сурвалж: ganaa.mn блог
Эрхэм та судлаач Д.Ганхуягийн бусад нийтлэлийг түүний албан ёсны блог ganaa.mn- ээс уншина уу?
Сэтгэгдэл0
Ерөнхийлөгчийн толгойд МАН- ыг тараая гэх ухаан орж ирэхгүй. Элбэг хэлсэн үү? Сү зааж өгсөн үү? М.Э ч байж магадгүй. удахгүй учир нь олдох байхаа
баруунаас орж ирсэн юм бол хүмүүс дуртай байж таарнаш дээ ард түмэн зөвлөлдөж хийх нь маш сайн зөвлөлдөн нэгдэх бол ард түмний зорилго шүү Ард түмэнгүй ЗӨВЛӨЛДӨХГҮЙ ХИЙНЭ ГЭДЭГ захиргаадалт
Тийм. Таны зөв. Гэхдээ ийм новшийн хуультай байхад ямар үхснээрээ зөвлөлддөх вэ дээ... Судлаач Х.Д.Ганхуяг.
Монголын Ардчилалд нэг л дайсан бий тэр нь хонины арьс нөмөрсөн АН, тэр чигээрээ. Баттулга Эбээгээс эхлээд бүгд мафийн рекетчингүүд.
17 66 ТУЙЛЫН ҮНЭНИЙГ ХЭЛЛЭЭ
төрийн гурван өндөрлөг зөвлөлдөөгүйгээс буруу юм хийгдэж байна
Тийм. Санал нэг байна. Гэхдээ Төрийн 3 өндөрлөг зөвлөлдөхийг Үндэсний Аюулгүй байдлыг Зөвлөл гэдэг ба түүний хуралдаанд МАН-ын 2 дарга орохгүй гацааж байна... Судлаач Х.Д.Ганхуяг.
Монголын Ардчилалд нэг л дайсан бий тэр нь хонины арьс нөмөрсөн АН, тэр чигээрээ. Баттулга Эбээгээс эхлээд бүгд мафийн рекетчингүүд.
дубайн гэрээг ард түмэнтэй зөвлөлдөхгүй хийснээс сайхан билэг амь насаа алдхад хүрч байна
Ерөөс зөвлөлдөнө гэдэг нь фашизмд хүргэдэг гэсэн нь бий шүү.Энэ нь иргэдийн санал бодол, үгээ хэлэх эрх чөлөөг хязгаарлах нэг арга гэдэг нь ҮХ-ийн нэмэлт өөрчлөлтөөр шууд харагдсан шүү.
ТАНТАЙ САНАЛ НЭГ БАЙНА.МӨН ГАНХУЯГ ТИЙМ ЗӨВЛӨЛДӨХ ХУУЛЬ БАЙДГ ЙГ МОНГОЛООР ТАЙЛБАРЛАСАНД ТАЛАРХАЖ ДЭМЖИЖ БАЙГААГАА ИЛЭРХИЙЛЖ БАЙНА.НЭГЭН БОДЛЫН НЭГ НАМЫН БУЮУ НАМ ТӨРТЭЙ ЗАСАГЛАЛД ШИЛЖИХИЙГ ХЭЛЖ БАЙГАА ЮМ БАЙНА.1990 ОНООС ӨМНӨ ДЕПУТАТ СОНГОХДОО НЭГ ИЙМЭРХҮҮ ЗАРЧИМ БАРИМТЛАЖ ЗӨВХӨН НЭГ ХҮНИЙГ СОНГО ГЭДЭГ БАЙСАН АДИЛ СОНСОГДОЖ БАЙНА
МАН ард түмнээ ядууруулж өөрсдөө хагартал баяжиж монголын ард түмний эв нэгдлийг задлан бутаргаж байгаа нь МАН г татан буулгах хангалттай нөхцөл. Ерөнхийлөгч үндсэн хуульд заагдсан эв нэгдлийг хамгаалах үүргээ биелүүлж байна. Монголын мянга мянган эх орончдыг хөнөөсөн түүх нь зайлшгүй татан буугдах дараагийн нөхцөл. Дараагийнх нь төрийн албыг төрөлийн алба болгосон, жду, концес, лиценц гээд .... явж өгнө.
АН ба Женко ч ялгаагүй хагартлаа баяжиж хонгилын Шүүх ажиллуулж ардууд мөнгө тараахыг л ажил хийчихлээ гэж боддог мөнгөөр угжиж л өөрсдөө дээш гарах юм даа
Монголын Ардчилалд нэг л дайсан бий тэр нь хонины арьс нөмөрсөн АН, тэр чигээрээ. Баттулга Эбээгээс эхлээд бүгд мафийн рекетчингүүд.
Чи ер нь юуны судлаач юм бэ үзүүлж харуулах бичиг баримт байна уу. Хөлсний бичээч шиг л харагдаад байх юм
3 сая гаруй хандалттай, Монголын хамгийн олон уншигчтай ganaa.mn блогоос миний юу судалдгийг мэдэж болно. Тэнд төрөл бүрийн сэдвээр миний бичсэн 600 гаруй өгүүлэл бий. Тэнэг лалар аа. Чи хүнийг цагдаа шиг үнэмлэхээр нь биш, хийсэн бүтээснээр нь үнэлж сур. Чадахгүй бол зайл... Судлаач Х.Д.Ганхуяг.
TEP YHEH MAH iig TAPAA. TEGEED L tsashaa yavaye
Та нэг орон нутгийн нийгэм тогтолцоог нэг дүгнээд өгөөч , феодлын нийгмээс нээх ялгарахгүй !!! Гэж нэг хүн ярьсан бсан , тэнд орон нутагт л бүх балгын булаг байх шигээ , боловсролгүй нөхдүүд үнээ малаараа дэвтэртэй болоод нэг цүнх бариад л энэ нийгмийг хөдөө арал болгоод .. хотынхон гэж Хөмөр хаягдсан хөөрхийс ... амь амиа бодоорой болчоод бнаа ...
өө угаасаа эд нар ингээд гэтсээр гэтсээр чоно болчоод сэм сэмхэн болох болохгүй хууль шургуулаад байдаг болчоод олон жил болж байгаан бишүү. Хуулийн энэ тал нь ийм сөрөг нөлөөтэй гэдгийг хүн бүр мэдэхгүй л дээ мэдсэн ч тийм хууль гаргуулахгүй байх эрх мэдэл байхгүйшд.
Еөк-ийн толгойд ийм мэргэн санааг шивнэсэн хүн нь та байх нь. Тэгьэл энэ санаагаа энэ жилийн сонгуулийн дараа, бүх намыг тараалгах УДШ-ийн шийдвэр байдлаар "шивнэвэл" сайн байхсан. Та еөрнхийлөгчийнхөө нэр хүндийг шавартай хутгаад хаячихлаа...
Энэ бол олон түмнийг асуудлын гадна үлдээж сонгож авсан хэдэн хүмүүсийн хүрээнд асуудлыг ярьснаа зөвлөлдлөө, ард түмний саналыг авлаа гэж ам хаах арга юм. Үндсэн хуулийн өөрчлөлтийн санал хэлэлцүүлэг яг ингэж явсан. Хаагуур яваад, хэн нь түүнд ороод байгааг огт ойлгоогүй, мань мэтээс лав хаа холуур явсан. Бүр хавьтаа ч үгүй.
Ганаатай маргалдах хэрэггүй. Зүгээр л бичсэний нь унших хэрэггүй. Цагийн гарз. Яагаад гэвэл Г.Уянга, Х.Баттулга, Баатархуяг гурвыг л бурхан тэнгэр гэж магтсан байгаа.
чи өөрөө уншаагүй шууд ингээд биччихэж байгаам уу ха ха
TA NAR WHEN THE PEOPLE SPEAK nomiig English-r esvel Zandanshatriin orchuulsnaar ni olood unshchaarai ikh meddeg amtai nukhduud mini...Tegeed daraa ni ikh yum oilgono shuu!