sonin.mn
Сэтгэгдэл (16)

Дүүжин тээврийн төслийн барилга угсралтын ажил эхлэх гэж буйтай холбоотойгоор БНФУ-аас Монгол Улсад элчин сайд Себастиен Сүрүн болон төслийн багийнхан мэдээлэл хийлээ.


Энэ үеэр Францын Пома компаний Ерөнхий менежер Ромайн Паради: "Өнөөдөр та бүхэнд Улаанбатар хотын захиргаатай хамтран хэрэгжүүлхээр болоод байгаа нэгэн төслийн талаар танилцуулах гэж байна. Энэ бол Улаанбаатар хотын дүүжин тээврийн төсөл юм. Францын Пома групп нь охин компаниудаараа дамжуулан дэлхийн олон оронд дүүжин тээврийн төслийг хэрэгжүүлдэг. Хотын дүүжин тээвэр, аялал жуулчлалын, уул уурхайн болон салхины эрчим хүчний гээд олон төрлийн дүүжин тээврүүдийн төслийг хэрэгжүүлдэг. Мөн зарим орнуудад тусгай энтертайнмент дүүжин тээврийг ашигладаг. Технологийн хувьд дүүжин тээвэр нь газрын ган татлагатай, агаарын ган татлагатай гэж хоёр хуваагддаг.


Хотын нийтийн тээвэрт дүүжин тээврийг амжилттай хэрэгжүүлсэн бодит төслүүд их бий. Колумб улс түгжрэлийг бууруулах ажлын хүрээнд Пома групптэй хамтран хоёр жилийн өмнө дүүжин тээврийн төслийг эхлүүлж байсан. Өнөөдрийн байдлаар энэ төсөл хүмүүсийн маш их сонгодог нийтийн тээвэр болоод хөгжсөн байна. Мөн Франц улсын Тунис хотод нийтийн тээврийн салбарт дүүжин тээврийг амжилттай хэрэгжүүлсэн. ОХУ-ын Нижний Новгород хотод хэрэгжүүлсэн төсөл маань цаг агаарын хүйтэн нөхцөлд ч, цастай үед ч дүүжин тээвэр найдвартай ажилладаг гэдгийг амжилттай харуулсан төсөл болсон.



Дүүжин тээвэр бол жилийн 4 улиралд, цаг агаарын хүйтэн нөхцөлд ч тасралтгүй ажилладаг юм гэдгийг харуулсан. Улаанбаатар хотод хэрэгжүүлэх дүүжин тээврийн ТЭЗҮ-г 2023 оны 8-р сард боловсруулж дууссан.



Уг ТЭЗҮ-тэй Улаанбаатар хотын захиргаа танилцаж, баталсан. Маш олон үзүүлэлтийг харж байж дүүжин тээврийн шугамын маршрутыг сонгосон. Улаанбаатар хотын 2 том өргөн чөлөөг холбосон, нийт 4250 метр урттай шугам байх юм. Яармагаас Хархорин зах буюу 1-р хороолол хүртэл байна. Энэ 4,2 км зайг туулах хугацаа 11 минут. Нэг секундэд 6 метр урагшлах тогтмол хурдтай. Бүрэн хүчин чадлаараа ажиллавал 1 цагт 2500 зорчигч тээвэрлэх юм. Нэг бүхээгт 10 зорчигч байх боломжтой. Үзэгдэх орчин сайтай, найдвартай, замын хөдөлгөөнөөс хамааралгүй, бие даасан систем юм." гэв.



С.Сарнай