Даваа - 02 сарын 09,
2026
Дархан-Уул аймагт оршин суух иргэн өөрийн танил "Б"-д их дээд сургуулийн диплом гаргуулахаар 29.9 сая төгрөгийг өгч залилуулжээ.
Монгол Улсын Эрүүгийн хуулийн 23.2 дугаар зүйлд:
23.2.1-т Тусгай зөвшөөрөл, эрх олгосон, үүргээс чөлөөлсөн баримт бичиг, тамга, тэмдэг, хэвлэмэл маягт, иргэний, албаны, жолоодох эрхийн үнэмлэх, боловсролын үнэмлэх, диплом, гадаад паспорт, төрийн шагнал, хүний хувийн байдлыг тодруулсан, гэрчилсэн, эдийн, эдийн бус баялгийг эзэмших, ашиглах, захиран зарцуулах эрхийг тодорхойлсон баримт бичгийг хуурамчаар үйлдсэн, хуурамч болохыг мэдсээр байж ашигласан, худалдсан бол... торгох, хорих хүртэл ял оногдуулахаар заасан.
Хуурамч баримт бичиг нь тухайн хүний ирээдүй, нэр хүнд, эрх чөлөөнд ноцтой эрсдэл учруулж, хуулийн хариуцлага хүлээх нөхцөл байдалд хүргэдэг. Иймд иргэд Та бүхэн их дээд сургуулийн диплом, үнэмлэх, гэрчилгээ нь заавал хуулийн дагуу, албан ёсны байгууллагаар дамжиж, түүний серийн дугаар нь улсын бүртгэлд бүртгэгддэг гэдгийг ухамсарлаж, хууль бус амлалтад хууртахгүй байх, мөн сэжигтэй санал, зуучлалтай тулгарсан тохиолдолд хууль, хяналтын байгууллагад нэн даруй мэдээлж, өөрийгөө болон бусдыг эрсдэлээс хамгаалахыг цагдаагийн байгууллагаас анхааруулж байна.
Сэтгэгдэл2
МАН-ын хаалтаа хааж нээдэг Кофи Аннан гэж балайрдаг мантуу нүүрт данхагнасан дарга нар бүгд диплом худалдаж авсан хуурамч боловсролтой улс. 4-р ангийн тоогоор шалгалт авч түвшин тогтоох хэрэгтэй.
Хүрэлсүхийн Учрал Их засгийн бакалавр болхоор сурах тодорхой юмгүй бизнес гэсэн баахан мастер цуглуулах боломжтой болсон.Ханахгүй Улан Удэд доктор болсон.Худалдаж авснаас ч үнэндээ долоон доор.