sonin.mn
Сэтгэгдэл (10)

АҮЭБ-ын сайд Г.Дамдинням хэсэг иргэд Оюутолгойн баяжмал зөөх замыг хаасантай холбоотой асуудлаар байр сууриа илэрхийллээ.


Тодруулбал тэрээр: "Бидний царцуулж нийт зардлын хамгийн багадаа 10 %-ийг энэ төсөл хариуцаж байгаа гэсэн үг. Оюутолгойтой олон асуудал бий. Энэ асуудлыг гэрээ хэлэлцээрийн шугамаар ширээний ард сууж хууль дүрмийн дагуу шийдэх ёстой болохоос хуульгүй дүрэмгүй улсад амьдарч байгаа юм шиг ийм зэрлэг балмад хандаж болохгүй. Өнөөдрийн энэ зам хааж байгаа нь хэд хэдэн хуулийн асуудал байгаа.


Нэгдүгээрт, Монгол улсын эдийн засгийн байдлын эсрэг гэмт хэрэг болж таарна. Өдөрт багадаа 4.3-5 тэрбум төгрөгийн орлого тасалдаж таарна. Энэ орлого хүүхдийн мөнгө, тэтгэвэр, нийгмийн даатгалд орлого болж орж байдаг. Энэ орлогыг тасалдуулна гэдэг нь Монголын нийтийн эрх ашигт нөлөөлнө.


Монгол Улсын эдийн засгийн аюулгүй байдалд нөлөөлж буй гэмт үйлдэл. Хоёрдугаарт, улсын болон орон нутгийн чанартай замыг хууль бусаар хаах нь өөрөө хуулийн хариуцлагатай зүйл.


Хууль хяналтын байгуулдагт ийм үед авах арга хэмжээний бүрэн эрх байгаа. Үүнийг хэрэгжүүлэх хэрэгтэй байна. Хууль зүйн сайд болон ЦЕГ-ын даргад Монгол Улсын Ерөнхий сайд үүрэг даалгавар өгсөн байгаа, хуулиа хэрэгжүүлэх ажил тэнд явагдах ёстой.


ЦЕГ-ын даргын мэдээлснээр бол Өмнөговь аймгийн цагдаагийн хэлтэст энэ мэдээллийн өгөөд замыг нээх ажил шуурхай явагдаж байгаа. Өдөртөө 5тэрбум төгрөгийн орлог оруулж байгаа тээвэр шүү дээ. Үүнийг зогсоовол Монгол Улс өдөрт 5 тэрбум төгрөгийн орлогоо алдаж байна гэсэн үг. Энэ нь өөрөө Монголын иргэдэд учрах хохирол гэсэн үг. Үүнийг нэхэмжлэх ёстой." гэв.




Н.Отгончимэг