Ням - 04 сарын 12,
2026
Цахим хөгжил, инновац, харилцаа холбооны яамнаас цахим эдийн засгийг хөгжүүлэх түүн дотроо төрд байгаа их өгөгдлийг нээлттэй болгож эдийн засгийн эргэлтэд оруулах бодлого баримтлан ажиллаж байна.
Засгийн газрын өнөөдрийн (2024.09.25) хуралдаанаар Ц.Баатархүү сайд төрийн 691 нээлттэй өгөгдлийг нийтэд ил болгох жагсаалтыг танилцуулж, шинэчлэн батлууллаа.
Нээлттэй өгөгдөл гэдэг нь хэн ч чөлөөтэй хандах, ашиглах, түгээх боломжтой мэдээлэл юм. Төрд байгаа өгөгдлийг ил тод болгож, олон нийтэд нээлттэй, үнэ төлбөргүй байршуулснаар иргэн, хуулийн этгээд, эрдэмтэн судлаачид чөлөөтэй ашиглан судалгаа, шинжилгээ хийх, бизнесээ хөгжүүлэх их өгөгдлийг эдийн засгийн эргэлтэд оруулах боломж бүрдэж байна.
Мөн төрийн өгөгдөл нээлттэй болж эргэлтэд орсноор төрийн үйл ажиллагаанд иргэд, хувийн хэвшлийн оролцоо, хяналт нэмэгдэж, төрийн шийдвэр гаргалт, ил тод, нээлттэй үйл ажиллагаа явуулах нөхцөл бүрддэг.
Цаашдаа Цахим хөгжил, инновац, харилцаа холбооны яам цахим эдийн засгийг хөгжүүлэх бодлогын хүрээнд төрд байгаа их өгөгдлийг илүү нээлттэй болгож, эдийн засгийн эргэлтэд оруулснаар төр хувийн хэвшлийн түншлэлийг хөгжүүлэх, төрийн зарим үйлчилгээг хувийн хэвшлээр гүйцэтгүүлэх, хиймэл оюун ухаан, блокчейн зэрэг өндөр технологийг хөгжүүлэхэд чухал ач холбогдолтой юм.
Сэтгэгдэл4
Ц.Баатархүү гуай бага тэнэгтээрэй! Бүх улс мэдээллээ яаж хамгаалах вэ гэж асуудал болж байхад яахаараа Монгол хамаг мэдээллээ дэлгэж байдаг юм! багахан шиг ирваатайрай!
Төрд бүртгэгдсэн Ц.Баатархүү таны гэр бүлийн мэдээлэл, эд хөрөнгийн мэдээллийг эхлээд нээлттэй болговол ямар вэ?
Элбэгээ
Их өгөдөл хэмээн нэрлэаж буй мэдээллийнхээ учир начирыг олж байгаа юм уу. Нэг их нээлтэй гэчихээд ороод ашиглах гэхээр бараг хэнд хэрггүй баахан задгай мэдээлэл байдаг, түүнийг математик арга зүйгээр боловсруулж, нийтэд ойлгомж той болгох шаардлагатай. Их өгөгдөл дотор хувь , ХҮн ААН-ын олон нууц мэдээлэл бий шүү