Ням - 04 сарын 12,
2026
.jpg)
2022 оны 12-р сараас эхлэн иргэд Төв талбай дээр сүрт жагсаал хийн, нүүрсний хулгайг эсэргүүцэж эхэлсэн билээ. Нийгмийн уур амьсгал ч ихээхэн ширүүн болоод байв. Учир нь сүүлийн 10 жилд 6.5 сая тонн нүүрс хулгайд алдсан байж болох үндэслэл тогтоогдоод байсан юм. Үүнийг өнөөгийн ханшаар тооцвол 6.5 тэрбум ам.доллар буюу 40 их наяд төгрөг орчим болдог. Энэ бүхэн Эрдэнэс Тавантолгой компаний нүүрс олборлолт, тээвэрлэлт, худалдаатай холбоотой, хоёр улс дамнасан, төрийн өндөр албан тушаалтнууд оролцсон ихээхэн том луйвар болох нь тодорхой байв.
Гэтэл энэ үед УИХ-ын гишүүн асан Лувсангийн Энхболд гэнэт гарч ирэн, нүүрсний хулгай гэх ерөнхий сэдвийн доор 40 их наяд төгрөгний луйврын талаар биш ажиллагсдынх нь дийлэнхийг төрөлх нутгийнхан нь бүрдүүлдэг, Өмнөговийн орон нутгийн өмчит "Тавантолгой" компани дээр гарсан данс, тооцоо зөрсөн байж магадгүй асуудлыг ярих болсон юм.
Пиарын онолд яг иймэрхүү үйлдлийг анхаарал сарниулах, фокус холдуулах гэж нэрлэдэг. Маш энгийнээр тайлбарлавал нүүрсний хулгай гэсэн үг сонсмогц тухайн хүнд дарга нарын оролцсон 40 их наядын луйвар биш орон нутгийн компаний жижиг маргаан л төсөөлөгддөг болох бөгөөд ингэснээр жинхэнэ хулгай ба жинхэнэ хулгайчдад ашигтай гэсэн үг. Үнэхээр нүүрсний хулгайн хэргээр ял шийтгэгдсэн үндэслэлд Өмнөговьчуудын өмч, орон нутгийн Тавантолгойн уурхайн маргаан биш "Эрдэнэс Тавантолгой"-н захирал асан Б.Ганхуяг нарын мөнгө угаасан шалтгаан байгааг шүүх тогтоосон юм. Харин Лувсангийн Энхболд тухайн үед нүүрсний хулгай гэсэн нэрийн доор 40 их наядын луйврыг биш төрөлх нутгийнхаа орон нутгийн өмчит компаний тухай ярьсан нь Монгол Ардын Намын дарга нарт ихэд сайшаагдаж, магтагдсан байна. Саяхан Өмнөговь аймгийн Монгол Ардын Намын хорооны даргаар сонгогдсон нь ч үүнтэй холбоотой эсэх нь тодорхойгүй юм.
С.Сарнай
Сэтгэгдэл13
МАН АН хулгайч луйварчдыг дэмжиж сонгодог харанхуй массууд үхэр монголчууд маш олон байдаг юм шиг байна. Маш харамсалтай.
Энэ хүн ч уул нь зөв л юм ярьсан юмшүү дээ! Даанч цаадах нь дэндүү нүсэр юм, одоо "Аж най"-г унагаана гэвэл оронд нь өөрөө ойчих оор болчихсон бна л доо !
Энэ хүн ч уул нь зөв л юм ярьсан юмшүү дээ! Даанч цаадах нь дэндүү нүсэр юм, одоо "Аж най"-г унагаана гэвэл оронд нь өөрөө ойчих оор болчихсон бна л доо !
Л.Энхболд ч нутаг гэхээсээ намаа л гэх хүн байна лээ дээ
Л.Энхболд ч нутаг гэхээсээ намаа л гэх хүн байна лээ дээ
Хулгай нуурлэсэн аймаг улс хэзээ нэг зев зам дээр гарна даа бух баячууд хулгайч гээд боддоо
Өмнөговь аймаг эрдсийн баялагийн үр шимийг хамгийн их хүртэж байгаа азтай аймаг. Хүн амын амьдрал танигдахын аргагүй дээшилсэн. хүүхдүүдээ цэцэрлэгт жийпээр хүргэдэг сумууд Өмнөговьд л бий. Сайны хажуугаар саар гэдэг шиг буруу гар байсан бна. УИХ энэ асуудлыг анхудаа олны өмнө гаргаж тавьсан. Одоо хуулийн байгууллагын ажил үлдсэн гэж ойлгодог.
Гөлөг төөрүүлэх тактик одоо тэгээд шалгарсан манлай нүүрсний хулгайчууд болох Нарабаатар. Сэддорж.гэх мэтийн Батэрдэний гар хөлүүд их хуралд орчихсон үмхийгээр хэхрээд сууж бгааг юу гэх бэ ????
Нүүрсний хулгайчдаас их мөнгө авч, ийм юм бичээд хол явахгүй ээ, сүнс нь зайлцгаах нь ээ зайлуул.
Нүүрсний хулгайчдаас их мөнгө авч, ийм юм бичээд хол явахгүй ээ, сүнс нь зайлцгаах нь ээ зайлуул.
Энхболд яах аргагүй нүүрсний хулгайг анх гаргаж тавьсан хүний нэг энэ талаар багагүй тэмцсэн,харамсалтайн Хонгилын шүүгчид нь хөдөлж өгөөгүй,луйварчдаа хаацайлаад өнгөрсөн,харин тэр нь явсаар байгаад 44 их наяд болж ил гарсан,шудрага хүн гэж хардаг,амжилт.
Нутгархах, жалгархах үзэл ч монголчуудыг сайн юманд хүргэдэггүй л юмдаа ! Энэ Энхболдыг бол эх оронч хүн л гэж хардаг.Ажнайгийн хахуу лийн хэдэн ₮-нд цадсан говьчуудын нүд онгойх цаг ирнэ дээ гэж найдая даа !
Нутгархах, жалгархах үзэл ч монголчуудыг сайн юманд хүргэдэггүй л юмдаа ! Энэ Энхболдыг бол эх оронч хүн л гэж хардаг.Ажнайгийн хахуу лийн хэдэн ₮-нд цадсан говьчуудын нүд онгойх цаг ирнэ дээ гэж найдая даа !