sonin.mn
Сэтгэгдэл (30)

"Дашваанжил" ХХК-ы захирал Н.Баатаржав мэдээлэл хийлээ.

Энэ үеэрээ тэрээр: "Манай компанийн хий зөөврийн авто машин осолд орж, ослын газар ажиллаж байсан Онцгой байдлын алба хаагчид харамсалтайгаар амь насаа алдсанд компанийхаа нийт ажилчдын өмнөөс талийгаачдын ар гэрт гүн эмгэнэл илэрхийлж байна. Энэ осол давагдашгүй хүчин зүйл боллоо гэж бид үзэж байгаа. Уг осолд өртөж, гэмтсэн бүх хүмүүс, ар гэрийнхэнд нь хурдан эдгэж, илааршаарай гэж хүсэж байна.



Манай жолооч бол өмнө нь осол гаргаж байгаагүй, архи тамхи хэрэглэдэггүй, хорт буруу зуршилгүй, шилдэг ажилтан. 2019 оноос хойш манай байгууллагад ажиллаж байгаа.



Энэ ослыг далимдуулж худлаа, санамсаргүй мэдээллийг битгий түгээгээрэй гэж мөн хүсэж байна. Манай компани нь утаагүй болгох гэж монголдоо анхны хий хангамжийн сүлжээг байгуулсан ийм түүхтэй. Монгол улсын 21 аймагт хий хадгалах, автомашиныг хийгээр хангах станц байгуулсан. Гэхдээ өнөөдөр хийснээ ярихаас илүү гэнэтийн осол гарсанд маш их харамсаж байна." гэв. Мөн тэрээр ер нь осол болох үед хальтиргаа, гулгаа байсныг үгүйсгэхгүй байсан ба : "Хуулийн байгууллагаас мөрдөлт явагдаж байгаа учраас бид хуулийн дагуу мэдээлэл өгч болдоггүй юм байна. Өчигдөр би газар дээр нь очоод орьё гэхэд оруулахгүй байна.



Осол гарсан нөхцлийг харж байхад янз бүрийн гадны нөлөөнүүд ажиглагдсан. Бичлэгнүүдээс харсан зүйлээ дүгнэж хэлэхэд замын хальтиргаа гулгаа янз бүрийн нөхцөл байдал байна.



Энэ нь зөвхөн хотын удирдлагуудын ч буруу биш гэж харж байна. Цас гэнэт ороод давагдашгүй нөхцөл байдал үүссэн гэж миний хувьд үзэж байна. Гэхдээ миний хувьд дүгнэлт хийх боломжгүй." гэж байлаа. 



М.Чой