Монгол Улсын Ерөнхийлөгч У.Хүрэлсүх уржигдар Ерөнхий сайд Н.Учрал, Сангийн сайд З.Мэндсайхан нарыг хүлээн авч уулзах үеэрээ Оюу толгойн ногдол ашгийг иргэн бүрд хүртээх нь зүйтэй гэсэн байр сууриа илэрхийлсэн билээ. Төрийн тэргүүний энэхүү байр суурь олон нийтийн дунд өргөн хүрээний хэлэлцүүлэг өрнүүлж, байгалийн баялгийн өгөөжийг иргэдэд шууд хүртээх үү, эсвэл томоохон төсөл, хөтөлбөрүүдэд зарцуулах уу гэсэн маргааныг дахин хөндлөө.
УИХ-ын зарим гишүүн ногдол ашгийг иргэдэд бэлнээр олгохыг эсэргүүцэж, үйлдвэрлэл хөгжүүлэхэд зарцуулах нь илүү үр ашигтай хэмээн тайлбарлаж байна. Тухайлбал, УИХ-ын гишүүн Ц.Даваасүрэн “Бэлэн мөнгө тараах биш, үйлдвэр барих хэрэгтэй” гэсэн байр суурь илэрхийлжээ.
Өнгөц сонсоход буруу зүйл алга. Үйлдвэр байгуулж, ажлын байр бий болгож, эдийн засгаа төрөлжүүлэх нь Монгол Улсын хөгжлийн үндсэн зорилтуудын нэг мөн. Гэхдээ энд нэг чухал асуулт бий. Үйлдвэр барина гэсэн шийдвэр бүхэн эдийн засагт өгөөжтэй хөрөнгө оруулалт болж чаддаг уу? Харамсалтай нь өнгөрсөн жилүүдийн туршлагаас харахад төрийн мөнгөөр санхүүжүүлсэн төсөл бүр амжилтад хүрээгүй. Улс төрчдийн санаачилсан, эдийн засгийн тооцоо судалгаа нь хангалтгүй, зах зээлийн эрэлт хэрэгцээ нь тодорхойгүй төслүүд төсвийн хөрөнгийг үр ашиггүй зарцуулах эрсдэлтэйг бид олонтаа харсан. Үүний нэг жишээ болгон УИХ-ын гишүүн Ц.Даваасүрэнтэй холбон яригддаг “Бяслагны үйлдвэр”-ийн төслийг нэрлэж болно. Тус үйлдвэрийн хөрөнгө оруулалтын өртөг, зах зээлийн боломж, эдийн засгийн үр өгөөжтэй холбоотой асуултуудыг олон нийтэд ил тод, баримттай тайлбарлах шаардлагатай. Хэрэв үйлдвэрийн өртөг зах зээлийн бодит үнэлгээнээс хэт өндөр, үйлдвэрлэсэн бүтээгдэхүүнээ борлуулах тогтвортой зах зээлгүй бол ийм хөрөнгө оруулалт хөгжлийн хөшүүрэг бус, татвар төлөгчдийн нуруун дээрх дарамт болж хувирна. Тиймээс үйлдвэр барих тухай уриа өөрөө хөгжлийн бодлого биш. Харин ямар үйлдвэрийг, ямар өртгөөр, хэний мөнгөөр байгуулж, хэчнээн ажлын байр бий болгож, хэдий хугацаанд хөрөнгө оруулалтаа нөхөх вэ гэдэг нь жинхэнэ хөгжлийн бодлогын хэмжүүр юм. Өнөөдөр Оюу толгойн ногдол ашгийг иргэдэд хүртээхийг эсэргүүцэж байгаа улстөрчдөөс асуух ёстой зүйл чухам энэ.
Та бүхний санал болгож буй төслүүд үнэхээр үр ашигтай гэдгийг хэн, ямар тооцоогоор баталсан юм бэ? Улсын төсвөөс санхүүжүүлсэн өмнөх төслүүдийн хэд нь ашигтай ажиллаж, хэд нь хөрөнгө оруулалтаа нөхөж, хэд нь бодит ажлын байр бий болгосон бэ?
Эдгээр асуултад тодорхой хариулт өгөхгүйгээр “Мөнгө тарааж болохгүй, үйлдвэр барих ёстой” гэж ярих нь хангалтгүй. Нөгөө талаас Оюу толгойн ногдол ашиг бол төрөөс иргэдэд үзүүлж буй халамж биш. Монголын ард түмний өмч болсон байгалийн баялгийг ашигласны үр дүнд бий болж буй эдийн засгийн өгөөж юм. Тиймээс ногдол ашгийг иргэдэд хүртээх асуудлыг халамжийн бодлоготой нэг түвшинд авч үзэж болохгүй. Харин үр ашиг нь тодорхойгүй төсөлд хэдэн их наяд төгрөг зарцуулбал инфляц өсөхгүй, эдийн засагт заавал ашигтай байна гэсэн баталгаа бас байхгүй. Төсвийн мөнгөөр санхүүжсэн төсөлд импортын тоног төхөөрөмж, барилгын материал, гадаад үйлчилгээ ихээр ашиглавал мөнгөний тодорхой хэсэг дотоодын эдийн засгаас гадагш урсана. Үйлдвэр ашиглалтад орсон ч бүтээгдэхүүн нь борлогдохгүй бол оруулсан хөрөнгө эргэн төлөгдөхгүй. Иймээс ногдол ашгийг иргэдэд олгох, эсвэл төсөлд зарцуулах хоёр хувилбарыг зөвхөн улс төрийн попролоор бус, бодит өгөөжөөр нь харьцуулах ёстой.
Монгол Улсад үйлдвэр хэрэгтэй. Гэхдээ ашиггүй үйлдвэр хэрэггүй. Бүтээн байгуулалт хэрэгтэй. Гэхдээ үр ашиггүй бүтээн байгуулалт хэрэггүй. Хөрөнгө оруулалт хэрэгтэй. Гэхдээ улс төрчдийн амлалтыг санхүүжүүлэх нэрээр нийтийн баялгийг үрэн таран хийхийг зөвшөөрч болохгүй.
Тиймээс Оюу толгойн ногдол ашгийг Ц.Даваасүрэнгийн “Бяслагны үйлдвэр” шиг үр ашиг нь эргэлзээ дагуулсан төслүүдэд зарцуулж байснаас иргэддээ шууд хүртээсэн нь илүү өгөөжтэй байж мэднэ. Баялгийн эзэн нь ард түмэн юм бол баялгийн үр шимийг хүртэх эрх нь ч ард түмэнд байх ёстой.
М.Чойжал
Баасан - 11 сарын 13,
2026
Сэтгэгдэл21
10 huviin pizdagiin yarij bgagiin yag esregeer hiivel zuv shu
За та минь, энэ 10%-иас л хол байж үзье, бурхан минь!!!
Монголд уул уурхайд гадаадын хөрөнгө оруулалтыг хуулиар хориглох хэрэгтэй. Гадаадын хөрөнгө оруулалтыг зөвхөн Монголд үйлдвэр байгуулахад оруулдаг болгох хуультай болох хэрэгтэй.
Багануурын цс ыг зогсоосон хүнийг цаазаар авсан ч багадна
Монголд уул уурхайд гадаадын хөрөнгө оруулалтыг хуулиар хориглох хэрэгтэй. Гадаадын хөрөнгө оруулалтыг зөвхөн Монголд үйлдвэр байгуулахад оруулдаг болгох хуультай болох хэрэгтэй.
Энэ балай 10%-ий нь гусахыг бод оод л ингэж донгосож бгаа л доо !
“Хэрлэн - Говь” төслийг хэрэгжүү лж эхлэх болоогүй юү ?
Чингис хааны сүнс зөвшөөрөхгүй. Чингис хааны бага нас хэрлэн, онон, туулын хөвөөгөөр өнгөрсөн. Чингис хаан чинь хэрлэн голдоо хайртай. Онон, Хэрлэн гол хоёр номхон далайд зутгаж байна. Туул гол сэлэнгэ мөрөнд нийлж Байгаль нуурт зутгаж байгаа. Байгаль нуурыг хамгаалах нь зөв. За тэгэхээр Хангай нуруунаас урагшаа говьруу урсдаг Байдраг гол, Онги голоо хайрлах нь чухал юм даа
үнээн ... төсөлүүд гэдэг нь манай Монголын нөхцөлд хулгай л болж хувирдаг гэдгийг хангалттай олон жил харлаашд
...бас балайг нь авдаг гаршүү. Гэхдээ яаж ийжийгаад мөнгө гусах аргаа олоод л байдаг.
Ардын Намын 10 хувийн авлгалчныг одоо тэтгэвэрт нь гаргаж шоронд нь хийх цаг болсон.
TETGEVERIIN zeel tegleed hugshchuuliin amid jirgaanii chabart Yamar eerchlelt garsan be? Dahiuad l zeelee noogdol Ashgabat tuluuluuleg yum yaria baina bel eer avah ni avna biz Avalgui ni cangiinhaa dansand hiine biz Dansnaas chini 850000 hasagdana shuu gedgiig sain oilguulaarai 28 ond neheed jagsana shuu tsaaduul chini. Neg todorhoigui zuil cangiin namiin dansan Dahin hurengee herhen uvlegdeh ve?
Баттулга ерөнхийлөгч байхдаа тэтгэвэрийн зээл тэглэсэн.
Хэхэ хүүхдүүдээ хүн шиг хүн болгоогүй, тэрнийхээ харгайгаар хүүхдүүд нь тэтгэврийг нь зээлж хусч суудаг айлууд л боолын бошгоороо гялтайсан даа. Харин тэр мөнгийг нь Баттулга гуай ажиллаж хөдөлмөрлөж байгаа хүмүүсийн хармаанаас татвар байдлаар суйлаад олгосон. Ийм болохоор, монголчуудын тал нь хэнд ч хэрэггүй амьд зомбинууд учир энэ улс хүн шиг амьдарч чаддаггүй юм шүү дээ. Нэг тал нь нөгөө талаа шулж амь зуудаг.
Чойжил мэт нь бол олон үеийн өсөхийн өлөн болохоор сувдаг шунахай хомхой сэтгэлтэнй байдаг.Ухаалаг хүн бол улс үндэстнээ хөгжүүлэх, хойч үедээ хэрэгтэй бүтээн байгуулалт хийхэд санаа тавих учиртай.Сэтгүүлчдийн сэжгийн шившгийн ёс суртахуун эндээс ч гэсэн батлагдаж байна.
Ene nuhur yaj 10% g husah ve gej bodoj bgaa.
Улстөрчид итгэх итгэл алга тэр тусмаа энэ нөхөрт. Монгол улсын үндсэн хуулинд байгалийг баялгаас ард түмэн хүртэх ёстойг яаж хүртэхийн ч маш тодорхой заасан байгаа
Монголд уул уурхайд гадаадын хөрөнгө оруулалтыг хуулиар хориглох хэрэгтэй. Гадаадын хөрөнгө оруулалтыг зөвхөн Монголд үйлдвэр байгуулахад оруулдаг болгох хуультай болох хэрэгтэй.Байгалийн нөөц гэж бий. Байгалийн баялаг гэж байхгүй, байгалийн нөөцийг технологи ашиглаж боловсруулж баялаг болгодог. Иймд үйлдвэр барихад гадаадын хөрөнгө оруулалтыг зөвшөөрдөг байх ёстой.
дээдэх нь суудалаа олоогуй бол доодох нь хэзээ ч гуйдэлээ олдоггуй гэж Уих гээч худалч хулгайч завхай эмс авилгачид хорчид луйварчин, тэр байтугай алуурчин шургалсан,дахин дахин шургалахыг шунан дурладаг ядаргаатай байгууллагыг тараая !!!!!!!!!!!!!!!!!
Иймэрхүү шуналтангууд,болоьсролгүй,өнөөдрийн идэж уухаа 1т тавьдаг/энэ сэтгүүлч мал шиг/ улс орныг сүүрүйлж бна
10 хувийн Даавкаа