
“Орхон” их сургуулиас урагш 115 дугаар сургууль хүртэл буюу Ээрмэлийн гудамжийг Туулын гудамжтай холбох ажил 2022 онд эхэлсэн. Гэвч газар чөлөөлөлтийн асуудлаас шалтгаалан уг ажил хоёр жил гацсан. Тэгвэл уг замын хөдөлгөөнийг энэ сарын 10-нд нээсэн юм.
Тодруулбал, өнгөрсөн дөрөвдүгээр сард хотын дарга Х.Нямбаатар тус байршилд ажиллаж, "Ариг гал" компанийн төлөөлөлтэй уулзан газар чөлөөлөлтийн асуудлыг шийдэн, авто замын ажлыг эхлүүлсэн юм.
Ээрмэлийн гудамжийг Туул гол гудамжтай холбосон 0.6 км авто замын зорчих хэсэг нь 7 метр өргөн, хоёр талаараа 1.5 метр өргөн явган хүний замтай. Мөн ус зайлуулах шугам хоолойг угсарсан. Энэ сарын 10-ны өдөр тус замын хөдөлгөөнийг нээсэн бөгөөд өнөөдрийн байдлаар гэрэлтүүлгийн ажил үргэлжилж байна.
Ээрмэлийн гудамжны авто зам ашиглалтад орсноор өглөө, оройн оргил ачааллын үед Туул голын гудамжнаас Зайсангийн гудамж руу зүүн гар тийш эргэх хөдөлгөөн багасаж, ХААИС-ийн уулзвар чиглэлээс Зайсангийн гудамжаар Чингисийн өргөн чөлөө рүү зорчиж байгаа тээврийн хэрэгслийн хөдөлгөөнд саад болох нь багасах юм. Мөн Туул голын гудамжнаас Чингисийн өргөн чөлөө рүү зорчих иргэд Ээрмэлийн гудамжаар зорчиж, Ази-Фарм эмийн сангийн гурван замын уулзварын огтлолцлын цэг багасаж, хөдөлгөөний аюулгүй байдалд үзүүлэх эерэг нөлөө нэмэгдэхийг ЗХУТ-ийн мэргэжилтнүүд хэлж байв.
Сэтгэгдэл8
ih yum boljee.yamar urt zam tavisan yum be . malnuud. haha 2 haraigaad ochih gazar bna. hezee evdreed ursah boldoo. hujaagaar hiilgehgvi.bid nariin zam tavih gej yu baihav dee chaavaas.tuus haichalj teneg mangaraa haruulnaa bas yo yo eleg elg
gamts zamiig 2 bolgoson baina, urticaria begins ni yamar hamaa bna atsaa
odoo bid nar hurdlaad baij dee. orkuud haraad gaihaj bgaa baih. ochij hardaa oogii naraa
dugui unahad zvgeer zam boljee
shoroon zam evdereh gvi amardaa.
gadniihand vzvvlj haruulah yumtai boljee.us dvvreed ireheer ni
Eermel gej yu gesen vg ve ? eerdeg gatsaa hvmvvsiin gazar yumuu. sonin ner bna
Evii evii