sonin.mn
Сэтгэгдэл (0)

2024 оны 12-р сард Хятадын ложистикийн салбарын хөгжил дэвшлийн индекс 53.1 хувьтай гарч, өмнөх сарынхаас 0.3 нэгжээр өссөн байна. Бодлогын дэмжлэг, зах зээлийн дотоод хөдөлгөх хүчин болон бусад хүчин зүйлсийн нийлбэр нөлөөгөөр ложистикийн бизнесийн нийт индекс таван сар дараалан өссөн гэнэ. Олон бүс нутаг дахь бизнесийн нийт хэмжээний индекс тэнцвэртэй өссөн бөгөөд үүний дотор зүүн бүс нутаг дахь өсөлт хамгийн илэрхий байна.


Салбаруудын хувьд авч үзвэл, 12-р сард цахилгаан машин, хагас дамжуулагч, харилцаа холбооны хэрэгсэл, тээврийн хэрэгслийн тоног төхөөрөмж, шинэ эрчим хүчний автомашины үйлдвэрлэл зэрэг аж үйлдвэрийн салбарын ложистикийн эрэлт ихээхэн нэмэгджээ. Оршин суугчдын хэрэглээний чадавх нэмэгдсээр байгаа бөгөөд онлайнаар бараа худалдан авах эрэлт хэрэгцээ тогтвортой байна. Зам тээвэр, усан тээвэр, олон төрлийн нэгдсэн тээвэр зэрэг салбарын бизнесийн ерөнхий хэмжээний индекс өмнөх сарынхаас адил бус хэмжээгээр өсч, төмөр замын тээвэр, агаарын тээвэр, шуудангийн буухиа хүргэлтийн бизнесийн нийт хэмжээ 55 хувиас дээш хөгжлийн сайн орон зайг хадгалсан байна.




Ерөнхийд нь авч үзвэл, 2024 оны сүүлийн хагаст Хятад улс бодлогын хэрэгжилтийг эрчимжүүлж, нийлүүлэлтийн гинжин хэлхээ, үйлдвэрлэлийн гинжин хэлхээний дээд доод урсгалын эрэлт хэрэгцээ нэмэгдэх болон саадгүй эргэлтийг үр дүнтэй ахиулж, бизнесийн нийт хэмжээний индекс, бараа материалын эргэлтийн индекс, хөрөнгийн эргэлтийн индекс, тоног төхөөрөмжийн ашиглалтын индекс, ажилчдын индекс сүүлийн хагас жилд үргэлжлэн өсөн нэмэгдэх хандлагатай байж, дөрөвдүгээр улирлын индекс нь гуравдугаар улиралтай харьцуулахад тус тус 1.2, 1.1, 1.3, 0.8 болон 1.4 нэгжээр дээшилсэн гэнэ.


Г.Бямба