Бямба - 05 сарын 09,
2026
Сүхбаатар дүүргийн 9 дүгээр хороо, 32-ын тойргоос Хүнсний 4-р дэлгүүр хүртэл хийж буй явган хүний замыг эвдсэн гэх мэдээлэл 2024 оны дөрөвдүгээр сарын 1-ний өдөр тус дүүргийн Замын цагдаагийн хэлтэст иржээ. Дуудлага мэдээллийн дагуу уг асуудлыг шалгаж, буруутай этгээдийг тогтоосон бөгөөд том оврын автомашины жолооч бетон зуурмаг тээвэрлэж явахдаа явган хүний зам, хашлагад эвдрэл учруулсан байна.
Сүхбаатар дүүргийн Замын цагдаагийн хэлтсийн зохицуулагч, цагдаагийн дэслэгч Б.Гантулга:
-Хяналтын камераар дамжуулан буруутай этгээдийг олж тогтоосон. Зөрчлийн тухай хуульд зааснаар замын тэмдэг тэмдэглэгээ, байгууламжийг эвдэж сүйтгэсэн бол учирсан хохирлыг төлүүлж, иргэнийг 500, хуулийн этгээдийг 5000 нэгжээр торгоно.
Энэ онд авто замын тэмдэг тэмдэглэгээ, гэрлийн шон, мод бут мөргөсөн 23 зөрчил гарсан. Эдгээрийн буруутай этгээдийг тогтоож, хохирлыг төлүүлэн, хариуцлага тооцсон. Бүтээн байгуулалт хийхдээ том оврын автомашины даацыг хэтрүүлэхгүй байх, аливаа үйл ажиллагаа явуулахдаа нийтийн эзэмшлийн зам талбай, байгууламжийг эвдэхгүй байхыг иргэд, аж ахуйн нэгжүүдэд уриалж байна. Энэ төрлийн зөрчлийн талаарх дуудлага мэдээлэл, холбогдсон этгээд болон зөрчлийн үйл явцыг цагдаагийн байгууллагын 102 дугаарт холбогдож мэдээлнэ хэмээв.
Сэтгэгдэл2
Давтагдашгүй
төр засаг юу ч хийхгүй, хэврэг юм хийлээ барилаа бла бла. Яаг үнэндээ иргэд бид ч үүрэг хүлээдэг гэдгээ мэддэггүй. Зөвхөн эрхээ ярьж цээжээ балбадаг дөө. Жишээ нь энэ үүдний хэсгээ ар талын аж ахуйн нэгж, засварын газар өөрөө хийх л ёстой шд уг нь бол. Орчны тохижилт, ландшаптаа янзлаад, машины зогсоолоо бэлдэх ёстой. Зам дагуу байгаа бүх аж ахуйн нэгжээс энэ гаргасан зардлаа гаргуулж авах хэрэгтэй шүү яс юман дээ. Төр ийм юманд мөнгө зармааргүй байна. Татвар төлөгчдийн мөнгөөр авто замаа тавих, гэр хорооолол руу дэд бүтэц тавих зэрэг том ажлуудаа л хиймээр байна. Оркууд бол өөрсдөөс нь мөнгө гараагүй учраас маргааш дахиад л эвдэнэ.