МОСКВА, 2024 оны дөрөвдүгээр сарын 18 /RT/. Азербайжан, Арменийн талтай байгуулсан гурван талт хэлэлцээрийн дагуу 2020 оны сүүлчээс хойш Уулын Карабахад байрлаж буй энхийг сахиулагчдаа ОХУ тус бүс нутгаас татаж эхэлжээ. Энэ тухай Армени, Азербайжаны хэвлэлүүдэд гарсан мэдээллийг ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков өчигдөр баталсан байна. Тэрбээр сэтгүүлчдийн асуултад хариулахдаа "Тийм ээ, энэ үнэн" гэж хэлээд өөр тодорхой мэдээлэл өгсөнгүй.
Уулын Карабахаас Оросын цэргүүдийг гаргаж эхэлсэн тухай Азербайжаны АПА агентлаг дөрөвдүгээр сарын 16-ны орой мэдээлсэн байна. Оросын цэргийн эхний ээлжийн бие бүрэлдэхүүн Кяльбажар дүүргийн Худаванг сүмийн нутаг дэвсгэрийг орхин гарчээ.
Уулын Карабах дахь Азербайжаны цэргийн ажиллагаа
Уулын Карабах дахь мөргөлдөөн 2020 оны намар дахин хурцадсаны дараа Азербайжан, Армени, ОХУ-ын байгуулсан гурван талт хэлэлцээрийн дагуу Оросын энхийг сахиулах бие бүрэлдэхүүнийг тус бүс нутагт байрлуулсан юм.
2023 оны есдүгээр сард Азербайжан "Үндсэн хуулийн дэг журмыг сэргээх" зорилгоор олон улсад хүлээн зөвшөөрөгдөөгүй "Уулын Карабахын Бүгд Найрамдах Улс"-ын хяналтад байдаг Уулын Карабахын нутаг дэвсгэрт цохилт өгч эхлэв. Нэг хоногийн дараа сөргөлдөгч талууд Оросын энхийг сахиулагчдын зуучлалаар гал зогсоох тохиролцоонд хүрчээ. Азербайжаны цэргийн ажиллагааны дүнд өөрийгөө тунхагласан Уулын Карабахын Бүгд Найрамдах Улс оршин тогтнохоо больж, 120 мянган армян үндэстэн маргаантай бүс нутгаас дүрвэн гарчээ. Сүүлийн саруудад Армени, Азербайжан улсууд мөргөлдөөнийг зохицуулах асуудлаар хэлэлцээ хийсээр байна.
Д.Жаргал
Эх сурвалж: "Монцамэ" агентлаг
Сэтгэгдэл4
Пашинян гуай Америк гэж далдганан Оросыг түлхснийхээ горыг амсаж байна.
Kkk, үнэндээ Пүтлeрийн орос кавказаас түрэгдэж , нөлөөгөө алдаж бн. Дундад азид хятад бас оросын нөлөөг хүчтэй түрж бн.
Украйнд махан таташ болж хар шороон хөрсийг нь бордохоор хөдөлгөв болтой, рашистууд задран унаж авилгалдаа ялзран сөнөж байна. Монголчууд сургамж авч л байдаг байхда. Дэлхийн 2 р арми авилгалд идэгдээд цаасан бар байж 15 д ордог Украйнд нугаслуулж байна Дудаев үүнийг зөгнөн хэлсэн байдаг
Одоо кавказын орнууд Гүрж,Армян яваандаа Азербайжан НАТО-д элсэх боллоо доо ! Орос ах маань өөрийгээ дэндүү ганцаардуулж бнаа.... Хойд туйлын мөс хайлаад Цагаан баавгай амьд рах газаргүй болж байгаатай яаг адил...