Пүрэв - 07 сарын 17,
2025
ХӨХ ХОТ, 2024 оны зургаадугаар сарын 5 /Xinhua/. Дэлхийд анхных болох устөрөгчийн түлш цэнэглэгч автомат роботыг Өвөр Монголын Өөртөө Засах Орны хүнд даацын галт тэрэгний төмөр замын устөрөгчийн түлш цэнэглэх Батута станцад ашиглалтад оруулжээ.
Цаг агаарын ямарч нөхцөлд зүтгүүрүүдийг устөрөгчөөр цэнэглэх уг робот нь -25 хүртэл хэмийн хүйтэнд ажиллах чадвартай ажээ.
Роботыг ашиглалтад оруулснаар, устөрөгчөөр ажилладаг зүтгүүрүүдийг 8 цаг тасралтгүй ажиллах түлшээр 30 минутын дотор цэнэглэх боломжтой болно. Батутагийн устөрөгчийн түлш цэнэглэх станцын техникч Жан Кай хэлэхдээ, уг роботыг ашигласнаар устөрөгчөөр цэнэглэх гүйцэтгэлийг дээшлүүлээд зогсохгүй станцын ажилтнуудын алдааны тоог эрс бууруулж, улмаар аюулгүй байдлын эрсдэл, ашиглалтын зардлыг багасгана гэж онцлов.
Д.Жаргал
Эх сурвалж: "Монцамэ" агентлаг
Сэтгэгдэл2
Энэ чинь айхавтар дэлбэрэмтгий эд , практикт бараг ашиглах боломжгүй гэдэг байгаагүй бил үү?!Хөөрхий өвөр монгоонууд минь. Гайгүй байх болтугай.
Германд галт тэрэгний зүтгүүрүүд устөрөгчийн түлш ашиглаад эхэлсэн, мөн АНУ-д ийм түлшээр ажилладаг том оврын ачааны машинууд ажиллаад эхэлсэн, устөрөгчөөр ажилладаг нисэх онгоц туршиж байгаа, харин бид модон жорлонгоосоо салаагүй л явна. Юун устөрөгч, юун цахилгаан машин? олон мянган жил өсгөж явсан малаа хүртэл өвлийн улиралд бүрэн бүтэн аваад явж чадахгүй болжээ.